អ៊ុយហ្គង់ដា ៖ ប្រទេសអ៊ុយហ្គង់ដា បាននិយាយកាលពីថ្ងៃសៅរ៍ថា ខ្លួននឹងសម្រុះសម្រួលគ្នារវាងប្រទេសសូម៉ាលី និងតំបន់បែងចែករបស់ប្រទេសសូម៉ាលីឡែន ដើម្បីជួយសម្រួលដល់ការបង្រួបបង្រួមគ្នាឡើងវិញ បន្ទាប់ពីការបែកបាក់គ្នាជាងបីទសវត្សរ៍។

យោងតាមសេចក្តីថ្លែងការណ៍របស់ប្រធានាធិបតីបានឲ្យដឹងថា ប្រធានាធិបតីលោក Yoweri Museveni នៃប្រទេសអ៊ុយហ្គង់ដា បានយល់ព្រមទទួលតួនាទី បន្ទាប់ពីដំណើរទស្សនកិច្ចកាលពីថ្ងៃសុក្រ ដោយបេសកជនពិសេសមកពីប្រទេសសូម៉ាលីឡែន លោក Jama Musse Jama។ 

សេចក្តីថ្លែងការណ៍នោះ បាននិយាយថា៖«លោកប្រធានាធិបតី Museveni បានយល់ព្រមធ្វើជាអ្នកសម្របសម្រួលការបង្រួបបង្រួមរវាងសូម៉ាលីឡែន និងសូម៉ាលី។

សូម៉ាលីឡែន បានបំបែកចេញពីប្រទេសសូម៉ាលីក្នុងឆ្នាំ១៩៩១ ប៉ុន្តែមិនទទួលបានការទទួលស្គាល់ជាអន្តរជាតិទូលំទូលាយសម្រាប់ឯករាជ្យភាពនោះទេ។ ប្រទេសនេះ មានសន្តិភាពភាគច្រើន ខណៈដែល  សូម៉ាលីបានឆ្លងកាត់សង្រ្គាមស៊ីវិល។

លោក Museveni ត្រូវបានដកស្រង់សម្តីក្នុងសេចក្តីថ្លែងការណ៍ដែលប្រាប់ប្រេសិតនោះថា៖«យើងមិនគាំទ្រការបំបែកខ្លួនទេ ពីព្រោះបើតាមយុទ្ធសាស្ត្រ វាខុសទាំងស្រុង។