ភ្ញៀវនៅក្នុងសួនកម្សាន្តកាណាដា បានជាប់ខ្លួនលើកន្រ្តកយោល Lumberjackស្ថិតក្នុងសួនកម្សាន្ត Vaughnរយៈពេលប្រហែល ៣០នាទីកាលពីថ្ងៃសៅរ៍ ក្រោយពេលវាខូចម៉ាស៊ីន ។

 បុគ្គលិកថែទាំសួនកម្សាន្ត បានទម្លាក់ពួកគេចុះវិញនៅវេលាម៉ោង ១១ និង០៥នាទីយប់ថ្ងៃសៅរ៍ ក្រោយជួសជុលនៅវេលាម៉ោង ១០ និង ៤០នាទីយប់ ។

 អ្នកស្រី Jiashira Rivera ដែលបានបង្ហោះវីដេអូបង្ហាញពីឧបទ្ទេវហេតុនេះនៅលើបណ្តាញព័ត៌មានសង្គម និយាយប្រាប់ទីភ្នាក់ងាររ៉យទ័រថា ភ្ញៀវដែលជាប់លើកន្រ្តកយោល បានស្រែកប្រាប់ឲ្យដាក់ពួកគេចុះ ។

 សារព័ត៌មានក្នុងស្រុក រាយការណ៍ថា មនុស្ស ២នាក់ក្នុងចំណោមភ្ញៀវដែលជាប់ក្នុងកន្រ្តកយោល បានរាយការណ៍ថា ពួកគេឈឺទ្រូង និងមានអារម្មណ៍ស្ពឹកជើង ។ បច្ចុប្បន្ន កន្រ្តកយោលនេះ បានបិទ ដើម្បីរង់ចាំការស៊ើបអង្កេតបន្ថែមទៀត ៕