កីឡាការិនីវ័យទើបតែ ៩ ឆ្នាំហ្វីលីពីន Mazel Paris Alegado បានក្លាយ​ជា​អត្តពលិក​វ័យក្មេង​បំផុត​ដែល​ចូលរួម ក្នុងព្រឹត្តិការណ៍កីឡាអាស៊ី។​

Mazel Alegado ថ្វីបើមិនបានស្ថិតក្នុងតារាងមេដាយ តែជាការបង្ហាញនូវសេចក្តីក្លាហាន ប្រកួត​ជា​មួយ​គូប្រកួតដែលមានវ័យច្រើនជាង និងយ៉ាងហោចណាស់ទទួលបានចំណាត់ថ្នាក់លេខ ៧ ក្នុង​ការប្រកួតវិញ្ញាសាកីឡា ជិះក្តារបន្ទះ (Skateboard)។

ប្រភេទកីឡាមួយនេះ មេដាយមាសបានទៅកីឡាការិនីជប៉ុន Hinano Kusaki ដោយ​រក​បាន​ពិន្ទុ​ខ្ពស់​ជាង​គេ ៨៨.៨៧ ខណៈមេដាយប្រាក់ និងសំរិទ្ធសុទ្ធតែបានទៅម្ចាស់ចិន។

ចំណែកផ្នែកបុរសវិញ កីឡាករចិន Chen Ye ជាអ្នកឈ្នះ​មេដាយ​មាស​ដោយ​រក​បាន​ពិន្ទុ​ខ្ពស់​បំផុត​ ៨៤.៤១ ខណៈមេដាយប្រាក់និងសំរិទ្ធបានទៅកីឡាករជប៉ុនទាំងពីររូប៕ អត្ថបទ៖នាង សុភាវុធ