ហៃទី ៖ មន្ត្រីជាប់ឆ្នោតជនជាតិហៃទី-អាមេរិកមួយក្រុម កំពុងអំពាវនាឲ្យលោកប្រធានាធិបតីបៃដិន ដកការគាំទ្រសម្រាប់បេសកកម្មរក្សាសន្តិភាពដឹកនាំដោយកេនយ៉ា នៅក្នុងប្រទេសហៃទី ដែលពួកគេនិយាយថា នឹងពង្រឹងការក្តោបក្តាប់អំណាចរបស់ប្រធានាធិបតីស្តីទី លោក អារៀល ហែនរី ( Ariel Henry)។

បណ្តាញមន្ត្រីជាប់ឆ្នោតជាតិហៃទី-អាមេរិក (NHAEON) និងចលនាបណ្តាញសកម្មភាពគ្រួសារ (FANM) កាលពីថ្ងៃសុក្រ បានសរសេរទៅកាន់លោកបៃដិន និងលោករដ្ឋមន្ត្រីការបរទេស អង់តូនី ប្ល៊ីនខិន ( Antony Blinken) ជាមួយនឹងសំណើនេះ។

ពួកគេបានសរសេរថា៖«អន្តរាគមន៍យោធាណាមួយ ដែលគាំទ្របបពុករលួយ គាបសង្កត់ និងមិនបានបោះឆ្នោតរបស់ប្រទេសហៃទី ទំនងជានឹងធ្វើឲ្យវិបត្តិនយោបាយបច្ចុប្បន្ន នៅក្នុងប្រទេសនេះ កាន់តែធ្ងន់ធ្ងរទៅ ក្លាយជាមហន្តរាយ»។

«វានឹងធ្វើឲ្យរបបនេះ កាន់តែរឹងមាំថែមទៀត ដោយធ្វើឲ្យវិបត្តិនយោបាយរបស់ប្រទេសហៃទីកាន់តែកាន់តែជ្រៅ ខណៈពេលដែលបង្កើតឲ្យមានជនស៊ីវិលស្លាប់ និងរបួសកាន់តែច្រើន និងសម្ពាធអន្តោប្រវេសន៍។