បារ៉ែន ៖ ទីភ្នាក់ងារសារព័ត៌មានរដ្ឋ BNA របស់ប្រទេសបារ៉ែន បាននិយាយថា ទាហានបារ៉ែនពីរនាក់ បានស្លាប់ និងជាច្រើននាក់ទៀត បានរងរបួសកាលពីថ្ងៃចន្ទ នៅក្នុងការវាយប្រហារដោយយានដ្រូនរបស់ពួកឧទ្ទាមហ៊ូធី ប្រឆាំងនឹងកងកម្លាំងចម្រុះដឹកនាំដោយអារ៉ាប៊ីសាអ៊ូឌីត នៅជិតព្រំដែនជាមួយប្រទេសយ៉េម៉ែន។

សេចក្តីថ្លែងការណ៍ពីអ្នកនាំពាក្យចម្រុះ លោកឧត្តមសេនីយ៍ Turki al-Malk បានឲ្យដឹងថា សម្ព័ន្ធភាពយោធាដឹកនាំដោយអារ៉ាប៊ីសាអ៊ូឌីត បានថ្កោលទោសការវាយប្រហារនេះ ហើយបាននិយាយថា ខ្លួនបានអនុវត្តតាមសកម្មភាពអរិភាពផ្សេងទៀតដោយក្រុមនេះ រួមទាំងការវាយប្រហារលើអង្គភាពចែកចាយថាមពល និងប៉ុស្តិ៍នគរបាលនៅជិតព្រំដែន។

ដោយដកស្រង់សេចក្តីថ្លែងការណ៍របស់កងទ័ពបារ៉ែន សារព័ត៌មាន BNA បាននិយាយថា មន្ត្រីម្នាក់ និងទាហានម្នាក់ បានស្លាប់។ 

ពុំមិនមានការអត្ថាធិប្បាយភ្លាមៗពីចលនាឧទ្ទាមហ៊ូធីទេ។