ភ្នំពេញ ៖ នាយទាហាន នាយទាហានរងដែលកំពុងធ្វើការងារជំនាញនៅតាមបណ្ដាកងឯកភាពនានាជាច្រើនរូប ត្រូវបានហ្វឹហ្វឺន បំប៉នបន្ថែមលើជំនាញហិរញ្ញវត្ថុរយះពេល៨៩ថ្ងៃ ដើម្បីយល់ដឹងពីការធានា ការគ្រប់គ្រងថែរក្សានូវរាល់ថវិកា ដែលចរាចរ ក្នុងកងយោធពលខេមរភូមិន្ទឲ្យបានត្រឹមត្រូវតាមការណែនាំរបស់ក្រសួងការពារជាតិ អគ្គបញ្ជាការនិងក្រសួងសេដ្ឋកិច្ចហិរញ្ញវត្ថុ ។

យោងតាមរបាយការណ៍ របស់លោកឧត្តមសេនីយ៍ត្រី គឹម សុណារ៉ា នាយក នាយកដ្ឋានហិរញ្ញវត្ថុ នៃអគ្គ នាយក ដ្ឋានភស្តុភារ-ហិរញ្ញវត្ថុ ក្រសួងការពារជាតិ បានឱ្យដឹងថា គោលបំណងដែលក្រសួងការពារជាតិ នៃវគ្គបំប៉នជំនាញហិរញ្ញវត្ថុនេះដល់នាយទាហាន នាយទាហានរងដែលកំពុង ធ្វើការងារជំនាញនៅតាមបណ្ដាកងឯកភាព ស្របតាមផែន ការកែទម្រង់កងយោធពលខេមរភូមិន្ទុ លើវិស័យអភិវឌ្ឍន៍ធនធាន មនុស្ស នេះមានរយៈពេល៨៩ ថ្ងៃចាប់ពីថ្ងៃទី ២៥ ខែ កញ្ញា.ឆ្នាំ ២០២៣ ដល់ថ្ងៃទី ២២ ខែ ធ្នូ ឆ្នាំ ២០២៣ ។ កម្មសិក្សាការីគឺជ្រើសរើសចេញពីនាយទាហាន នាយ ទាហានរង កំពុងបម្រើការងារជំនាញហិរញ្ញវត្ថុ តាមកងឯក ភាពដែលមានអាយុមិនលើសពី ៤០ ឆ្នាំមានកាយសម្បទា មាំមួន និងកម្រិតវប្បធម៌សមល្មមចំនួន ៩៥ នាក់ ។ ក្នុងនោះផងដែរ នាយកដ្ឋានហិរញ្ញ វត្ថុទទួលគ្រប់ គ្រងថ្នាក់បំប៉ន ចាប់ពីពេលបើករហូតដល់ចប់ និងចេញលិខិតបញ្ជាក់ ការសិក្សាជូនចំពោះកម្មសិក្សាការី ដែលប្រឡងជាប់ជាស្ថាពរនិងប្រថាប់ត្រាដោយក្រសួង ការពារជាតិ ។សូមជម្រាបថា នៅក្នុងឱកាសការបើកវគ្គហ្វឹកហ្វឺន បំប៉នជំនាញហិរញ្ញវត្ថុ ថ្នាក់មធ្យមជំនាន់ ៤កាលពីថ្ងៃទី២៥កញ្ញាមកនេះ ក្នុងនាមឯកឧត្តម ឧត្តមសេនីយ៍ឯក សុខ វណ្ណារ៉ា អគ្គនាយកស្ដីទី អគ្គនាយកដ្ឋានភស្តុភារ-ហិរញ្ញវត្ថុ ក្រសួង ការពារជាតិថ្លែងអំណរគុណចំពោះ គណៈគ្រប់គ្រងវគ្គបំប៉នជំនាញ ហិរញ្ញវត្ថុស្របតាមកំណែទម្រង់របស់កងយោធ ពលខេមរភូមិន្ទ បាននឹងកំពុងស្ដារអភិវឌ្ឍន៍ប្រទេសឲ្យមាន ការរីកចម្រើនលើគ្រប់វិស័យ។ ដោយឡែកកងយោធ ពលខេមរភូមិន្ទ អនុវត្តយ៉ាងសកម្មលើបន្ទាត់នយោបាយ របស់រាជរដ្ឋាភិបាលសម្រេចនូវជោគជ័យជាច្រើនឥតគណនា ។ ពិសេសការអនុវត្តគោលនយោបាយយុទ្ធសាស្ត្រនៃកំណែ ទម្រង់របស់ខ្លួន បាននឹងកំពុងបោះជំហានចូលក្នុងសហ គមន៍អាស៊ាន តំបន់និងលើពិភពលោក នាំមកនូវកិច្ចសហ ប្រតិបត្តិការនយោបាយ សន្តិភាពនិងការអភិវឌ្ឍ ។ ឯកឧត្តមអគ្គនាយកស្ដីទីនៃអគ្គនាយកដ្ឋានភស្តុភារ- ហិរញ្ញវត្ថុក្រសួងការពារជាតិ បន្តថា: ក្នុងនីតិកាលទី ៧ របស់រដ្ឋសភា សម្ដេចមហាបបរធិបតី ហ៊ុន ម៉ាណែត នាយក រដ្ឋមន្ត្រីនៃព្រះរាជាណាចក្រកម្ពុជា ប្រកាសដាក់ឲ្យដំណើរការកម្មវិធីគោលនយោបាយជាអត្ថិភាពទាំង ៦ មានជាអាទិ៍ដូចជា: ផ្ដល់ការថែទាំសុខភាពបណ្ដុះបណ្ដាលវិជ្ជាជីវៈ ជំនួយសង្គមសម្រាប់គ្រួសារក្រីក្រ ជំនួយសេដ្ឋកិច្ចក្រៅប្រព័ន្ធ ជំរុញទីផ្សារកសិផល ពង្រាយមន្ត្រីបច្ចេកទេសកសិកម្មដល់ឃុំ-សង្កាត់ ។ ដូច្នេះក្នុងរយៈពេល ៣ ខែនេះ សិក្ខាកាមទាំងអស់ពិតជាប្រឹងប្រែងក្រោមការបង្ហាត់បង្ហាញពីលោកគ្រូ ដែលជ្រើសរើសចេញពីនាយទាហានជំនាញ ក្នុងនាយកដ្ឋានហិរញ្ញវត្ថុ ឆ្លងកាត់សាលាត្រឹមត្រូវ និងមានបទពិសោ ធន៍មិនតិចជាង ២០ ឆ្នាំ ។ ក្នុងនោះផងដែរ តំណាងកម្មសិក្សាការីម្នាក់ បានប្ដេជ្ញាចិត្តថានឹងខិតខំក្រេប ជញ្ជក់នូវចំណេះ ជំនាញទាំងនេះ យកទៅអនុវត្តនៅកង ឯកភាពរបស់ខ្លួនឲ្យបានល្អប្រសើរផងដែរ ៕ អត្ថបទ ៖ ភារម្យ