ក្រុមហ៊ុនស្វែងរកដ៏ធំនៅលើប្រព័ន្ធអ៊ិនធឺណិត Google កំពុងប្រារព្ធខួបគម្រប់ ២៥ឆ្នាំរបស់ខ្លួននៅថ្ងៃនេះ ជាមួយនឹងរូបភាពពិសេស។ ក្រុម Google Inc. ត្រូវបានបង្កើតឡើងនៅថ្ងៃទី៤ ខែកញ្ញា ប៉ុន្តែអស់រយៈពេលជាងមួយទស្សវត្សរ៍ហើយ ដែលក្រុមហ៊ុននេះ បានប្រារព្ធខួបរបស់ខ្លួននៅថ្ងៃទី២៧ ខែកញ្ញា។ ដូច្នេះថ្ងៃនេះ ក្រុមហ៊ុនបានយក «ផ្លូវដើរនៃការរំលឹកខួបនេះ» ដដែល និងបង្ហាញពីរូបភាពផ្សេងៗ ដើម្បីប្រារព្ធឱកាសដ៏ពិសេសនេះ។

Google Doodle (រូបភាពរបស់ Google) ថ្ងៃនេះភ្ជាប់មកជាមួយរូបភាពមានចលនា (GIF) ដែលកែប្រែ «Google» ទៅជា «G25gle»។ ក្រុមហ៊ុនបច្ចេកវិទ្យានេះ បាននិយាយថា ខ្លួនកំពុងប្រើថ្ងៃនេះជា «ពេលវេលាដើម្បីឆ្លុះបញ្ចាំង» ខណៈពេលដែលកំពុងធ្វើដំណើរតម្រង់ឆ្ពោះទៅអនាគត៕