ភ្នំពេញ៖ តាមការកំណត់ ក្រុមប្រឹក្សាជាតិប្រាក់ឈ្នួលអប្បបរមា បានជួបប្រជុំគ្នា ដើម្បីពិភាក្សាកំណត់ប្រាក់ឈ្នួលអប្បបរមារបស់កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូបសម្រាប់ឆ្នាំ២០២៤ ដែលនឹងបិទបញ្ចប់នៅរសៀលថ្ងៃទី២៨ ខែកញ្ញា ឆ្នាំ២០២៣នេះ។

សូមបញ្ជាក់ថា លទ្ធផលចុងក្រោយ នៃកិច្ចប្រជុំចរចាប្រាក់ឈ្នួលអប្បបរមានេះ ភាគីសហជីពបានកំណត់តួលេខ២ផ្សេងគ្នា គឺចំនួន ២០៤ដុល្លារ និង២១៣ដុល្លារ ដើម្បីស្នើសុំតម្លើងប្រាក់ឈ្នួលអប្បបរមាកម្មករនិយោជិតសម្រាប់ឆ្នាំ២០២៤ ខណៈភាគីនិយោជកកំណត់ ២០១,៥ដុល្លារ និងភាគីរដ្ឋាភិបាល កំណត់តួលេខចំនួន ២០២ដុល្លារ៕ ដោយ ៖ បូរ៉ាវី