រដ្ឋមន្រ្តីការបរទេសកោះតៃវ៉ាន់លោក Joseph Wu និយាយនៅថ្ងៃព្រហស្បតិ៍នេះថា ក្រុមមេដឹកនាំចិន ដឹងច្បាស់ថា ការប្រើប្រាស់ការគំរាមកំហែងប្រដាប់អាវុធជុំវិញកោះតៃវ៉ាន់ គឺដើម្បីព្យាយាម និងបង្ខំឲ្យលទ្ធភាពតាមការពេញចិត្តរបស់ទីក្រុងប៉េកាំងនៅការបោះឆ្នោត មិនដំណើរការ ។

 ក្នុងរយៈពេល ៣ឆ្នាំកន្លងមកនេះ ចិនបានបង្កើនកម្មភាពយោធារបស់ខ្លួននៅជុំវិញកោះតៃវ៉ាន់ ដែលរួមទាំងហ្គេមសង្រ្គាម ហើយកាលពីខែកន្លងទៅ ពួកគេបានធ្វើសមយុទ្ធយោធាបន្ថែមទៀតដែលចិននិយាយថា មានគោលដៅលើការធ្វើសង្រ្គាមប្រឆាំងនឹងភាពក្រអឺតក្រទមរបស់កងកម្លាំងផ្តាច់ខ្លួន ។

 កោះតៃវ៉ាននឹងរៀបចំការបោះឆ្នោតជ្រើសរើសមេដឹកនាំក្រោយ និងការបោះឆ្នោតសភានៅខែមករា ឆ្នាំ ២០២៤ខាងមុខនេះ ។

 លោក Wu និយាយថា ចិនបានត្រៀមខ្លួនរួចរាល់សម្រាប់លទ្ធភាពនៃការវាយប្រហារនៅពេលអនាគត ប្រឆាំងនឹងកោះតៃវ៉ាន់ ដែលរួមទាំងវិធីសាស្រ្តដែលពួកគេទប់ទល់ជាមួយនឹងការធ្វើអន្តរគមន៍របស់សហរដ្ឋអាមេរិក ។ 

 នៅក្នុងសន្និសីទសារព័ត៌មានជាមួយក្រុមអ្នកសារព័ត៌មានបរទេស លោក Wu បានថ្លែងអំណរគុណផងដែរដល់ប្រទេសសម្ព័ន្ធមិត្តរបស់កោះតៃវ៉ាន់ សម្រាប់ការនិយាយលើកឡើងនៅក្នុងមហាសន្និបាតអង្គការសហប្រជាជាតិ(U.N)កាលពីពេលថ្មីៗនេះ ដើម្បីបញ្ចូលកោះស្វ័យគ្រប់គ្រងតៃវ៉ាន់ ទៅក្នុងគណៈគ្រប់គ្រងរបស់ពួកគេ ។ 

 ចិនមិនធ្លាប់ដែលបោះបង់ចោលម្តងណាឡើយការប្រើប្រាស់កម្លាំង ដើម្បីដណ្តើមយកកោះតៃវ៉ាន់ដែលគ្រប់គ្រងតាមបែបលទ្ធិប្រជាធិបតេយ្យមួយនេះ មកគ្រប់គ្រងវិញ ដោយពួកគេចាត់ទុកកោះមួយនេះថាស្ថិតនៅក្នុងចំណោមខេត្តរបស់ខ្លួន ។

 ដោយសារសេចក្តីសម្រេចរបស់ U.N កាលពីឆ្នាំ ១៩៧១ កោះតៃវ៉ាន់ត្រូវបានគេដកចេញពីគណៈគ្រប់គ្រងអន្តរជាតិមួយនេះ ដែលទទួលស្គាល់សាធារណរដ្ឋប្រជាមានិតចិន ថាជាតំណាងស្របច្បាប់របស់ចិននៅ U.N ៕