មូលនិធិរូបិយវត្ថុអន្តរជាតិ(IMF)បាននិយាយកាលពីថ្ងៃពុធថា ពួកគេមិនបានឈានដល់កិច្ចព្រមព្រៀងកម្រិតបុគ្គលិកជាមួយប្រទេសស្រីលង្កានោះទេ នៅក្នុងកញ្ចប់ប្រាក់សង្រ្គោះ ២,៩ពាន់លានដុល្លារស្ថិតក្រោមការពិនិត្យឡើងវិញរបស់ពួកគេ ដោយសារតែកង្វះខាតខ្លាំងការបង្កើតប្រាក់ចំណូលរបស់រដ្ឋាភិបាល ។ 

 ថ្លែងក្រោយដំណើរទស្សនកិច្ចរយៈពេល ២សប្តាហ៍ទៅកាន់ប្រទេសមួយនេះ លោក Peter Breuer គឺជាប្រធានគណៈប្រតិភូ IMFនិយាយថា ចំណែកប្រាក់កម្ចីទី ២ប្រហែល ៣៣០លានដុល្លារ ក្រោមកម្មវិធីផ្តល់ប្រាក់កម្ចី នឹងត្រូវបញ្ចេញ លុះត្រាតែក្រោយ IMFឈានដល់កិច្ចព្រមព្រៀងកម្រិតបុគ្គលិក ហើយនិងគ្មានពេលកំណត់នោះទេ លើពេលដែលវានឹងកើតឡើង ។ 

 គណៈប្រតិភូ IMFបាននិយាយថា បើទោះបីជាមានសញ្ញាដំបូងនៃការធ្វើឲ្យមានស្ថិរភាពយ៉ាងណាក្តី ការងើបសេដ្ឋកិច្ចពេញលេញ មិនត្រូវបានធានានោះទេ ហើយសន្ទុះកំណើន នៅត្រូវជំនះថែមទៀត ។ 

 នៅក្នុងរយៈពេ ៦ខែចុងក្រោយនេះ ស្រីលង្កា បានមើលឃើញអតិផរណារបស់ពួកគេធ្លាក់ចុះមកនៅត្រឹម ១,៣ភាគរយ ក្នុងខែកញ្ញានេះ ហើយរូបិយបណ្ណរបស់ពួកគេ ឡើងប្រហែល ១២ភាគរយ និងទុនបម្រុងរូបិយបណ្ណបរទេស បានល្អប្រសើរឡើង ៕