រដ្ឋមន្រ្តីការពារជាតិរុស្ស៊ីលោក Sergei Shoigu បាននិយាយថា ការផលិតមីស៊ីលតាក់ទិក បានកើនឡើងច្រើនដងណាស់ ក្រោយពីរូបលោក បានបំពេញទស្សនកិច្ចទៅកាន់រោងចក្រផលិតមីស៊ីល ស្ថិតនៅទីក្រុងម៉ូស្គូ ។ 

 ចាប់តាំងពីការចាប់ផ្តើមប្រតិបត្តិការសឹកពិសេសរបស់រុស្ស៊ីនៅអ៊ុយក្រែន រុស្ស៊ីបានបើកការវាយប្រហារដោយមីស៊ីលឥតឈប់ឈរ និងទ្រង់ទ្រាយធំលើគោលដៅនៅអ៊ុយក្រែន ។ 

 ក្រុមមន្រ្តីជាច្រើនរបស់ប្រទេសមួយនេះ រួមទាំងលោក Shoigu និងលោកប្រធានាធិបតី Wladimir Putinបាននិយាយថា រុស្ស៊ីបានបង្កើនទំហំផលិតមីស៊ីល និងគ្រឿងយុទ្ធោបករណ៍ជាច្រើនទៀត ប៉ុន្តែពួកគេពុំបានបញ្ចេញចំនួនពិតប្រាកដនោះទេ ។ 

 លោក Shoigu និយាយថា ពួកយើងសង្ឃឹមថា ទិន្នផលនៃទំហំផលិតដែលអ្នកសម្រេចបាន មិនត្រឹមតែនៅបន្តបែបនេះនោះទេក្នុងឆ្នាំ ២០២៤ តែនឹងបន្តកើនឡើងលើលក្ខណៈពិសេសទៀតផង ។ ប៉ុន្តែនៅថ្ងៃនេះ លោកពិជាត្រេកអរខ្លាំងណាស់ ចំពោះលទ្ធផលការងារសម្រេចបានរបស់ពួកយើង ។ 

 លោកថា ទំហំផលិតមីស៊ីល បានកើនឡើងមិនត្រឹមតែចំនួនភាគរយនោះទេ ប៉ុន្តែចំនួនច្រើនដងផងដែរ ។ ពួកវាត្រូវការទាំងអស់នៅក្នុងតំបន់ប្រតិបត្តិការសឹកពិសេស ៕