ការថតពីលើអាកាសដោយយានដ្រូន កាលពីថ្ងៃពុធ (ទី២៧ ខែកញ្ញា) បានចាប់យកសកម្មភាពរបស់ក្រុមគ្រួសារជនអន្តោប្រវេន៍ ដែលកំពុងជម្នះនឹងចរន្តទឹកហូររបស់ទន្លេ Rio Grande ដើម្បីបានឆ្លងទៅដល់ខាងទឹកដីសហរដ្ឋអាមេរិក នៅព្រំដែនជាមួយប្រទេសម៉ិកស៊ិក។

មេបញ្ជាការកងល្បាតព្រំដែន លោក Jason Owens បាននិយាយថា ដោយក្រុមជនអន្តោប្រវេសន៍ ដែលមានចំនួនច្រើនរហូតដល់ទៅ ១.០០០ ឬ ២.០០០នាក់ ប៉ុនប៉ងឆ្លងចូលទៅទឹកដីសហរដ្ឋអាមេរិក កងល្បាតព្រំបានចូលរួមយ៉ាងសកម្ម ក្នុងការព្យាយាមដោះស្រាយទប់ទល់នឹងលំហូរនេះ។ 

ការកើនឡើងយ៉ាងគំហុកនៃចំនួនជនអន្តប្រវេសន៍ នៅតាមព្រំដែនភាគខាងត្បូងសហរដ្ឋអាមេរិក ឈានដល់ចំណុចរបត់មួយ បន្ទាប់ពីការឆ្លងដែនដោយខុសច្បាប់ បានធ្លាក់ចុះ ក្នុងរយៈពេលប៉ុន្មានខែថ្មីៗនេះ។ ហើយការកើនឡើងនេះ ក៏អាចផ្តល់នូវអាវុធដ៏គ្រោះថ្នាក់ទៅក្នុងដៃគូប្រជែងនយោបាយរបស់លោកប្រធានាធិបតី Joe Biden ក្នុងការធ្វើយុទ្ធនាការឆ្ពោះទៅកាន់ការបោះឆ្នោតឆ្នាំ២០២៤៕