ហ្វីលីពីន ៖ ប្រធានាធិបតីហ្វីលីពីន បាននិយាយកាលពីថ្ងៃសុក្រថា ហ្វីលីពីននឹងពង្រឹងការការពារទឹកដី និងសិទ្ធិរបស់អ្នកនេសាទរបស់ខ្លួនយ៉ាងរឹងមាំ និងមិនស្វែងរកបញ្ហានោះទេ ខណៈដែលជម្លោះ កាន់តែឡើងកម្តៅ ជាមួយចិនជុំវិញការចូលទៅកាន់តំបន់ថ្មប៉ះទឹកជាយុទ្ធសាស្ត្រ នៅសមុទ្រចិនខាងត្បូង។

ឆ្មាំល្បាតឆ្នេរសមុទ្រហ្វីលីពីននៅសប្តាហ៍នេះ បាននិយាយថា ខ្លួនបានកាត់របាំងបណ្តែតប្រវែង ៣០០ ម៉ែត្រ (៩៨០ហ្វីត) ដែលដំឡើងដោយប្រទេសចិនដែលរារាំងការចូលទៅកាន់ផ្លូវទៅកាន់តំបន់ប៉ប្រះទឹក ដែលជាតំបន់មានជម្លោះដ៏ក្តៅគគុក ដែលទីក្រុងប៉េកាំងបានគ្រប់គ្រងអស់រយៈពេលជាងមួយទសវត្សរ៍ហើយនោះ។

នៅក្នុងសុន្ទរកថាដំបូងរបស់ខ្លួនជុំវិញភាពតានតឹងផ្ទុះឡើងចុងក្រោយបង្អស់ ប្រធានាធិបតីហ្វីលីពីន លោក ហ្វឺឌីណាន់ ម៉ាកូស( Ferdinand Marcos Jr) បាននិយាយថា ហ្វីលីពីន កំពុងរក្សាសិទ្ធិរបស់ខ្លួនក្នុងការនេសាទនៅក្នុងតំបន់សេដ្ឋកិច្ចផ្តាច់មុខរបស់ខ្លួន។

លោកម៉ាកូស បានប្រាប់អ្នកយកព័ត៌មានថា៖«អ្វីដែលយើងនឹងធ្វើ គឺបន្តការពារប្រទេសហ្វីលីពីន ដែនសមុទ្ររបស់ប្រទេសហ្វីលីពីន សិទ្ធិរបស់អ្នកនេសាទរបស់យើង ក្នុងការនេសាត្រីនៅក្នុងតំបន់ ដែលពួកគេកំពុងធ្វើវារាប់រយឆ្នាំមកហើយនោះ»។