សត្វនាគចំបើងដ៏ធំ និងស្រស់ស្អាត បានរាំនៅតាមដងផ្លូវដ៏តូចចង្អៀតនៃសង្កាត់ប្រវត្តិសាស្ត្រមួយ ក្នុងទីក្រុងហុងកុង កាលពីថ្ងៃព្រហស្បតិ៍ (២៨ ខែកញ្ញា) ដោយបានទាក់ទាញអារម្មណ៍អ្នកទស្សនារាប់ពាន់នាក់ ខណៈដែលពិធីដែលមានអាយុកាលរាប់សតវត្សរ៍នេះ ត្រូវបានប្រារព្ធឡើងវិញ បន្ទាប់ពីផ្អាកអស់រយៈពេល ៤ឆ្នាំ។

រូបសត្វដែលមានប្រវែង ៦៧ម៉ែត្រ ត្រូវបានធ្វើឡើងដោយប្រើមែកផ្តៅ ឫស្សី និងស្មៅគុជ។ វាត្រូវបានតុបតែងលម្អដោយធូបដុតប្រមាណ ១២.០០០ដើម ដែលត្រូវបានលើកដោយអ្នកសម្ដែង ៣០០នាក់ ដោយមានអមជាមួយនឹងសំឡេងស្គរ និងគង។

អស់រយៈពេលជាង ១៤០ឆ្នាំមកហើយ ដែលសង្កាត់ Tai Hang បានប្រកាន់ខ្ជាប់នូវទំនៀមទម្លាប់នេះ ដែលបានចាប់ផ្ដើមជាវិធីមួយ ដើម្បីកំចាត់គ្រោះកាច បន្ទាប់ពីមានព្យុះទីហ្វុង ហើយចាប់តាំងពីពេលនោះមក បានក្លាយជាព្រឹត្តិការណ៍ប្រារព្ធពិធីបុណ្យពាក់កណ្តាលសរទរដូវជានិមិត្តរូប ក្នុងទីក្រុងហុងកុង។ របាំនាគភ្លើងនេះត្រូវបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិរបស់ប្រទេសចិន ក្នុងឆ្នាំ២០១១៕