ប្រធានាធិបតីរុស្ស៊ីលោកវ៉្លាឌីមៀ ពូទីន នៅថ្ងសុក្រនេះ ត្រូវបានបង្ហាញពីជំនួបរបស់លោកជាមួយមេបញ្ជាការជាន់ខ្ពស់ម្នាក់ក្នុងចំណោមអតីតមេបញ្ជាការជាច្រើនាក់របស់ក្រុមវ៉ាកនើនិងបានបានពិភាគ្សាអំពីរបៀបដែលអង្គភាពស្ម័គចិត្ដអាចប្រយុទ្ធនៅក្នុងប្រទេសអ៊ុយក្រែនបាន ប៉ុន្ដែវិមានក្រឹមឡាំងបាននិយាយថា ក្រុមទហានស៊ីឈ្នួលឥឡូវនេះ បានធ្វើការឲ្យក្រសួងការពារជាតិហើយ។

កិច្ចប្រជុំនេះ បានគូសបញ្ជាក់ពីការប៉ុនប៉ងរបស់វិមានក្រឹមឡាំងដើម្បីបង្ហាញថា រដ្ឋឥឡូវនេះ បានគ្រប់គ្រង ក្រុមទាហានស៊ីឈ្នួលទាំងស្រុងហើយ បន្ទាប់ពីការបះបោរបរាជ័យរបស់ប្រធានក្រុមវ៉ាកនើ លោកយេហ្គានី ព្រីហ្គូហ្ស៊ីន កាលពីខែមិថុនា ដែលបានស្លាប់ដោយសារការធ្លាក់យន្ដហោះកាលពីខែសីហាកន្លងទៅ។

វិមានក្រឹមឡាំងបាននិយាយថា លោកពូទីន បានជួបជាមួយលោកត្រូសេវ (Troshev) ដែលគេបានស្គាល់ ដោយការផ្ដល់រហ័ស្សនាមរបស់លោក ជាទ័ពឈ្លបសេឌ័រ(Sedoi) និងអនុរដ្ឋមន្រ្ដីការពារជាតិលោក យូនូស បេក យេគូរោវ (Yunus -Bek Yevkurov) ដែលបានអង្គុយជិតលោកពូទីន កាលពីយប់ថ្ងៃព្រហស្បតិ៍កន្លងទៅនេះ។

ថ្លែងទៅកាន់លោកត្ករូសេវ លោកពូទីនបាននិយាយថា ពួកគេបាននិយាយអំពីរបៀបដែលអង្គភាពស្ម័គ្រចិត្ដ អាចធ្វើសកម្មភាពនៅក្នុងភារកិច្ចចម្បាំងផ្សេងៗ ជាពិសេស គឺនៅក្នុងតំបន់ប្រតិបត្ដការយោធាពិសេសតែម្ដង។

លោកពូទីន បាននិយាយថា លោកត្រូសេវខ្លួនឯងបានប្រយុទ្ធនៅក្នុងអង្គភាពមួយនេះអស់រយៈពេលជាង១ឆ្នាំមកហើយ ។ដូច្នេះលោកបានដឹងពីរបៀបដែលត្រូវធ្វើវាហើយ ។ពោលគឺលោកដឹងអំពីបញ្ហានានាដែលជា តម្រូវដោះស្រាយឲ្យបានមុន ដើម្បីឲ្យការប្រយុទ្ធប្រព្រឹត្ដទៅបានរលូន និងជាវិធីជោគជ័យបំផុត។

លោកពូទីនថែមទាំងបាននិយាយថា លោកចង់និយាយអំពីការគាំទ្រផ្នែកសង្គមសម្រាប់អ្នកដែលពាក់ព័ន្ធ នៅក្នុងការប្រយុទ្ធនេះ។