មីយ៉ាន់ម៉ា៖ ក្រុមអ្នកតវ៉ាសហភាពមីយ៉ាន់ម៉ា បានចេញតវ៉ាតាមដងផ្លូវនានាកាលពីថ្ងៃអង្គារ ទី១ ខែមិថុនានៅតាមសង្កាត់ជាច្រើន ខណៈការប្រយុទ្ធគ្នារវាងកងទ័ព និងកងជីវពលប្រឆាំងនឹងរបបយោធា បានផ្ទុះឡើងនៅតាមតំបន់ព្រំដែនរយៈពេល ៤ខែបន្ទាប់ពីយោធាបានបណ្ដេញរដ្ឋាភិបាលជាប់ឆ្នោត នៅក្នុងរដ្ឋប្រហារកាលពីខែកុម្ភៈ ឆ្នាំ២០២១ នេះ។
យោធាសហភាពមីយ៉ាន់ម៉ានៅតែតស៊ូអនុវត្តបទបញ្ជា បន្ទាប់ពីការចាប់ខ្លួនលោកស្រី Aung San Suu Kyi និងមេដឹកនាំជាន់ខ្ពស់នៃគណបក្សរបស់លោកស្រី ដែលបង្កឱ្យមានការតវ៉ាទូទាំងប្រទេស និងធ្វើកូដកម្មជាបន្តបន្ទាប់រហូតមកដល់បច្ចុប្បន្ន។ យោងតាមទិន្នន័យផ្ដល់ដោយសកម្មជនមួយក្រុម កងកម្លាំងសន្តិសុខបានសម្លាប់មនុស្សចំនួន ៨៤០នាក់ក្នុងនោះក៏មានកុមារផងដែរចាប់តាំងពីររដ្ឋប្រហារកើតឡើង។ រូបថតផ្សព្វផ្សាយដោយកាសែត Irrawaddy បានបង្ហាញពីទិដ្ឋភាពនៅភាគខាងត្បូងប្រទេសមីយ៉ាន់ម៉ា ដោយក្រុមបាតុករប្រឆាំងនឹងយោធាបានដើរដង្ហែក្បួននៅក្នុងទីក្រុងឡូងឡូន។
ក្រុមបាតុករនៅតាមទីប្រជុំជននានា មានការប្រយ័ត្នប្រយែងកាន់តែខ្លាំង ក្នុងការបញ្ចៀសពីការប៉ះទង្គិចគ្នាជាមួយកងកម្លាំងសន្តិសុខជារឿយៗ បានប្រើការជួបជុំហ្វូងមនុស្សទ្រង់ទ្រាយធំ ឬការតវ៉ាជាក្រុមតូចៗដែលមិនបានប្រកាស បន្ទាប់ពីការប្រមូលផ្តុំគ្នាធំៗនៅក្នុងខែដំបូង បន្ទាប់ពីរដ្ឋប្រហារត្រូវបានពើបប្រទះជាមួយកងកម្លាំងសន្តិសុខ ដែលបាញ់រះដោយគ្រាប់កាំភ្លើងពិត៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
