ក្នុងថ្ងៃទី៣ នៃការឡើងកម្ដៅខុសប្រក្រតី ដែលត្រូវបានកំណត់ថា នឹងឡើងខ្ពស់បំផុតនៅថ្ងៃអាទិត្យ (ទី១ ខែតុលា) ប៉ុន្តែបន្តរហូតដល់ថ្ងៃអង្គារ (ទី៣ ខែតុលា) នោះ ប្រជាជនអេស្ប៉ាញ ជាធម្មតា បានជួបប្រទះនឹងសីតុណ្ហភាពឡើងខ្ពស់នៃរដូវក្ដៅជាងថ្ងៃ នៅក្នុងរដូវស្លឹកឈើជ្រុះ នាខែតុលា។

ខណៈដែលអ្នកស្រុកបង្ហាញនូវនូវក្ដីកង្វល់ពីផលប៉ះពាល់នៃបម្រែបម្រួលអាកាសធាតុ ទីភ្នាក់ងារអាកាសធាតុអេស្ប៉ាញ AEMET បានប្រាប់ឲ្យដឹងថា អំឡុងពេលឡើងកម្ដៅ អាកាសធាតុនឹងមានចន្លោះពី ៦អង្សាសេ ទៅ ១០អង្សាសេ ដែលលើសពីសីតុណ្ហភាពធម្មតា សម្រាប់រយៈពេលនេះ នៅឆ្នាំនេះ។

ទីភ្នាក់ងារអាកាសធាតុ បាននិយាយទៀតថា ខ្លួនរំពឹងថា សីតុណ្ហភាពនៅក្នុងរដ្ឋធានីម៉ាឌ្រីដរបស់អេស្ប៉ាញ នឹងឡើងដល់កម្រិតខ្ពស់ ក្នុងចន្លោះពី ៣២អង្សាសេ ដល់ ៣៤អង្សាសេ ខណៈដែលតំបន់ភាគខាងត្បូងនៃប្រទេស នឹងឡើងកម្តៅក្នុងសីតុណ្ហភាព ៣៧អង្សាសេ។

ហើយជាមួយគ្នានេះ AEMET ព្យាករថា ការឡើងក្ដៅខុសពីប្រក្រតីនេះ នឹងបន្តរហូតដល់ថ្ងៃអង្គារ (ទី៣ ខែតុលា) ដោយផ្នែកខ្លះនៃប្រទេស ស្ថិតនៅក្រោមហានិភ័យខ្ពស់ ក្នុងការមានអគ្គិភ័យ៕