កំណែទម្រង់លឿនដូចផ្លេកបន្ទោររបស់ប្រធានាធិបតីនីហ៊្សេរីយ៉ាលោក Bola Tinubu ក្រោយឡើងកាន់អំណាចកាលពីខែឧសភា នឹងធ្វើឲ្យកើតមានភាពរអាក់រអួល និងគំរាមកំហែងដល់ប្រទេសសេដ្ឋកិច្ចធំបំផុតនៅអាហ្វ្រិកមួយនេះ ។ 

 ការជំរុញលឿនៗក្រោយឡើងកាន់អំណាចបានរយៈពេលជាង ១០០ថ្ងៃ និងឥទ្ធិពលនៃកំណែទម្រង់សេដ្ឋកិច្ចរបស់លោក ហើយនិងការអនុញ្ញាតឲ្យតម្លែងប្រេងឡើងថ្លៃ នឹងធ្វើឲ្យមានភាពរង្គោះរង្គើរ ។ 

 អ្នកស្រី Kassandra Obi ដែលជាអ្នកនាំចូលកំណាត់ ដែលផ្លាស់មករស់នៅក្នុងទីក្រុង Lagosកាលពីឆ្នាំ ២០១៨ បាននាំចូលកំណាត់របស់គាត់ពីប្រទេសចិន ក្នុងរយៈពេល ៥ឆ្នាំកន្លងមកនេះ ហើយអ្នកស្រីនិយាយថា គាត់មិនធ្លាប់ដែលមើលឃើញអត្រាប្តូរប្រាក់បរទេសផ្លាស់ប្តូរញឹកញាប់បែបនេះនោះទេ ។ អ្នកស្រីនាំចូលកំណាត់ ២ពាន់ដុំក្នុង១ខែ ។ 

 អ្នកស្រី Obi និយាយថា ពួកយើងគ្រប់គ្រងវិស័យធុរកិច្ច ពួកយើងរង់ចាំអព្ភូតហេតុកើតឡើង តើពិតមែនទេ ? ពួកយើងអាចនឹងគិតថាប្រហែលជានៅថ្ងៃស្អែក ប្រាក់ដុល្លារ នឹងធ្លាក់ថ្លៃ ។ 

 គួរឲ្យដឹងថា ប្រាក់ Naira បានធ្លាក់ថ្លៃទាបបំផុត ១ពាន់ Naira ក្នុង ១ដុល្លារ នៅលើទីផ្សារងងឹត ពោលគឺទាបជាងអត្រា ៧៨៥ Naira កាលពីសប្តាហ៍មុន ។ 

 ខណៈពេលនោះដែរ តម្លៃប្រេង បានហក់ឡើងខ្ពស់ជាង ៣០ភាគរយ ចាប់តាំងពីខែកក្កដារហូតមក ៕