ប្រឈមការជិតមកដល់រដូវសត្វក្រួចធ្វើបម្លាស់ទី ព្រានព្រៃនៅតំបន់កាន់កាប់ហ្គាហ្សាស្រ្ទីប បានដាក់អន្ទាក់សំណាញ់រាប់រយសំណាញ់នៅតាមតំបន់ឆ្នេរ ដើម្បីចាប់វាយកមកលក់ ។ 

 សំណាញ់អន្ទាក់ បានដាក់កម្ពស់ប្រហែល ២ម៉ែត្រ ហើយនិងក្នុងចម្ងាយ ២រយម៉ែត្រ នៅតាមតំបន់ឆ្នេរ ហើយនិងដាក់ចូលទៅជ្រៅក្នុងតំបន់កាន់កាប់មួយនេះ ដើម្បីទាក់យកសត្វក្រួច ដែលធ្វើដំណើរឆ្លងកាត់ គេចចេញពីអាកាសធាតុត្រជាក់នៅអឺរ៉ុប ទៅកាន់តំបន់មជ្ឈិមបូព៌ា ។ 

 នៅពេលដែលសត្វក្រួចហត់ទាំងអស់នេះ ហើរចុះវានឹងស្វែងរកជម្រកនៅតាមកម្ពោតព្រៃ និងដើមឈើ មុនពេលវាចាប់អារម្មណ៍នឹងសំឡេងម៉ាស៊ីន ដែលធ្វើតា្រប់តាមសំឡេងរបស់ក្រួច ធ្វើឲ្យវាមកជិតសំណាញ់ដែលពួកគេធ្វើជាអន្ទាក់ ។ 

 សូមបញ្ជាក់ថា សត្វក្រួចចិញ្ចឹមក្នុងស្រុក លក់បានតម្លៃប្រហែល ១,៣ដុល្លារ ក្នុង១គូ ខណៈដែលក្រួចធ្វើបម្លាស់ទី មានតម្លៃរហូតដល់ ៥,២ដុល្លារ ក្នុង១គូ៕