អាហ្វហ្គានីស្ថាន៖ អគ្គលេខាធិការអង្គការសន្ធិសញ្ញាអាត្លង់ទិកខាងជើង (NATO) លោក Jens Stoltenberg និយាយថា ការដកកងទ័ពរបស់អង្គការយោធា ចេញពីប្រទេសអាហ្វហ្គានីស្ថាននឹងដំណើរការទៅបានល្អ ខណៈកាលពីថ្ងៃអង្គារមនុស្សយ៉ាងតិច ៦នាក់ត្រូវបានសម្លាប់ក្នុងការវាយប្រហារជាបន្តបន្ទាប់ ដែលបានធ្វើឲ្យរដ្ឋធានីកាប៊ុលរបស់ប្រទេសធ្លាក់ចូលក្នុងភាពខ្មៅងងឹត។
អង្គការ NATO បានជួយផ្តល់សន្តិសុខក្នុងប្រទេសអាហ្វហ្គានីស្ថានរយៈពេលជិត ២ទសវត្ស ប៉ុន្តែបច្ចុប្បន្នអង្គការនេះជឿថា រដ្ឋាភិបាល និងកងកម្លាំងប្រដាប់អាវុធដែលខ្លួនបានហ្វឹកហ្វឺន មានសមត្ថភាពគ្រប់គ្រាន់ក្នុងការឈរជើងលើទឹកដី ដែលហែកហួរដោយជម្លោះដោយគ្មានជំនួយពីកងទ័ពអន្តរជាតិ។ អង្គការ NATO ទទួលខុសត្រូវចំពោះកិច្ចប្រឹងប្រែងសន្តិសុខ ក្នុងប្រទេសអាហ្វហ្គានីស្ថានក្នុងឆ្នាំ២០០៣ រយៈពេល ២ឆ្នាំ បន្ទាប់ពីកងកម្លាំងចម្រុះដឹកនាំដោយសហរដ្ឋអាមេរិក បានបណ្ដេញក្រុមតាលីបង់ក្ដោបក្ដាប់ ដោយអតីតមេដឹកនាំក្រុមអាល់កៃដា លោក អូសាម៉ា ប៊ិនឡាឌែន។ កងទ័ពតិចជាង ៩ពាន់នាក់សេសសល់ ដែលរួមមានបុគ្គលិកកងទ័ពសហរដ្ឋអាមេរិករហូតដល់ ៣,៥០០នាក់ ខណៈកងទ័ពទាំងនេះកំណត់ពេលចាកចេញ នៅត្រឹមថ្ងៃទី១១ ខែកញ្ញា។ លោក Stoltenberg និយាយបន្ទាប់ពីដឹកនាំកិច្ចប្រជុំរដ្ឋមន្ត្រីការពារជាតិ និងរដ្ឋការបរទេសរបស់អង្គការណាតូថា គ្រប់ជំហានជាសុវត្ថិភាពនៃបុគ្គលិកដែលនៅសល់ច្រើន។
ការកើនឡើងសកម្មភាពរបស់ប្រទេសចិន និងផលប៉ះពាល់ពីបម្រែបម្រួលអាកាសធាតុ ដែលបញ្ហាទាំងពីនេះជាចំណាប់អារម្មណ៍សំខាន់របស់រដ្ឋបាល លោក Biden ដែលត្រូវបានពិភាក្សា ជាមួយបញ្ហាការការពារមីស៊ីល ការវាយប្រហារតាមអ៊ីនធឺណិត និងការប្រឈមនៃមេរោគលាយឡំគ្នា ព្រមទាំងការប្រើប្រាស់ព័ត៌មានមិនពិត។ ខណៈកងទ័ពអង្គការ NATO នឹងលែងមាននៅក្នុងប្រទេសអាហ្វហ្គានីស្ថាន សម្ព័ន្ធមិត្តប្រទេសទាំង៣០ និងដៃគូរបស់ខ្លួន នឹងបន្តផ្ដល់មូលនិធិទៅនឹងអ្វីដែលលោក Stoltenberg បានចាត់ទុកថា ជាកងកម្លាំងសន្តិសុខខ្លាំង និងសមត្ថភាពរបស់ប្រទេស៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
