រដ្ឋមន្រ្តីថាមពលអារ៉ាប់រួម លោក Suhail al-Mazrouei និយាយកាលពីថ្ងៃចន្ទថា ការចំណាយរបស់អ្នកប្រើប្រាស់លើថ្លៃប្រេង ត្រូវតែមានឆន្ទៈបន្តវិនិយោគទុនលើឥន្ធនៈហ្វូស៊ីល ស្របពេលដែលក្រុមមេដឹកនាំឧស្សាហកម្មប្រេង លើកឡើងពីការវិនិយោគទុនបន្ថែមទៀត ដើម្បីផ្លាស់ប្តូរថាមពលទៅយ៉ាងរលូន ។ 

 ថ្លែងនៅក្នុងព្រឹត្តការណ៍ឧស្សាហកម្មប្រេង ADIPE ក្នុងទីក្រុង Abu Dhabi លោក al-Mazrouei និយាយថា ក្រុមប្រទេសផលិតប្រេង OPEC+ ខ្វាយខ្វល់ថា តម្លៃគឺត្រឹមត្រូវសម្រាប់អ្នកប្រើប្រាស់ ប៉ុន្តែត្រឹមត្រូវសម្រាប់អ្នកប្រើប្រាស់ សម្រាប់រយៈពេលមានដែនកំណត់ គឺត្រូវតែមើលឃើញច្បាស់ ។ 

 លោកបន្តផងដែរថា ការវិនិយោគទុនបន្ថែមទៀត ត្រូវការលើវិស័យប្រេង និងឧស្ម័ន ដើម្បីឲ្យតម្លៃត្រឹមត្រូវសម្រាប់អ្នកប្រើប្រាស់ ។ 

 នៅពេលសួរថាតើតម្លៃខ្ពស់ប្រេងឆៅ អាចគំរាមកំហែងដល់សុខភាពសេដ្ឋកិច្ចសកលដែរឬទេ លោក al-Mazrouei និយាយថា ក្រុមប្រទេសផលិតប្រេង OPEC+ពុំដែលមានគោលដៅលើតម្លៃប្រេងច្បាស់លាស់នោះទេ ។ 

 គួរឲ្យដឹងថា ក្រុមប្រទេសផលិតប្រេង OPEC+ដែលរួមមានក្រុមប្រទេសនាំចេញប្រេង OPEC និងសម្ព័ន្ធមិត្តដឹកនំាដោយរុស្ស៊ី កាលពីខែមិថុនាកន្លងទៅ បានយល់ព្រមបន្តការកាត់បន្ថយទិន្នផលប្រេងរបស់ពួកគេ រហូតដល់ដំណាច់ឆ្នាំ ២០២៤ ៕