ព្រៃវែង៖ រដ្ឋបាលខេត្តព្រៃវែង បានប្រកាសថា ពលរដ្ឋចំនួន ១៦នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ក្នុងនោះមានទាំងទារកអាយុ៩ខែ និងកុមារីម្នាក់ផងដែរ។
ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តព្រៃវែង បញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើស្ត្រីចំនួន ១៤នាក់ ក្នុងនោះមានពល ការិនីខ្មែរម្នាក់ទើបវិលត្រឡប់ពីប្រទេសថៃផងដែរ។
គិតត្រឹមថ្ងៃនេះ ខេត្តព្រៃវែងរកឃើញប្រជាពលរដ្ឋ ៤៧៥នាក់ហើយបានឆ្លងមេរោគកូវីដ-១៩ នៅទូទាំងខេត្តមួយនេះ ក្នុងនោះមនុស្ស ៥នាក់បានស្លាប់។
ចំណែកឯអ្នកជាសះស្បើយវិញ រដ្ឋបាលខេត្តព្រៃវែងបញ្ជាក់ថា មានចំនួនសរុប ២០៥នាក់ហើយ ខណៈអ្នកជំងឺ ២៦៥នាក់ទៀត កំពុងស្ថិតក្រោមការព្យាបាលបន្ត៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
