ភ្នំពេញ ៖ កម្មវិធីប្រឡងប្រណាំង តែងនិពន្ធពានរង្វាន់ «សម្ដេចព្រះសង្ឃរាជ ជួន ណាត» និងស្មូតកំណាព្យ ពានរង្វាន់ «ព្រះភិរម្យភាសាអ៊ូ ហៅ ង៉ុយ» ដើម្បីអបអរសាទរទិវាគ្រូបង្រៀន ៥ តុលា នាឆ្នាំ២០២៣ ក្រោមប្រធានបទ «គ្រូបង្រៀនជាសសរស្ដម្ភនៃសាលារៀនឆ្ពោះទៅរកឧត្ដមភាព» ត្រូវបានរកឃើញម្ចាស់ជយលាភីហើយ។

​យោងតាមផេកហ្វេសបុករបស់ក្រសួងអប់រំ យុវជន និងកីឡា បានប្រកាសអំពីការរកឃើញម្ចាស់ជ័យលាភីលេខ១ដល់លេខ៣ ហើយបន្ទាប់ពីមានបេក្ខជន និងបេក្ខនារីជាច្រើននាក់បានចូលរួមការប្រឡង ប្រណាំងតែងនិពន្ធដើម្បីយកពានរង្វាន់ «សម្ដេចព្រះសង្ឃរាជ ជួន ណាត» និងស្មូតកំណាព្យ ពានរង្វាន់ «ព្រះភិរម្យភាសាអ៊ូ ហៅ ង៉ុយ» ដើម្បីអបអរសាទរទិវាគ្រូបង្រៀន ០៥ តុលា ២០២៣ ក្រោមប្រធានបទ «គ្រូបង្រៀនជាសសរស្ដម្ភនៃសាលារៀនឆ្ពោះទៅរកឧត្ដមភាព"ឲ»។

បើតាមក្រសួងអប់រំ ជ័យលាភី ផ្នែកខាងតែងនិពន្ធ លេខ១ បានទៅលើបេក្ខជន វង្ស សុភាជ ជាគ្រូបង្រៀនមកពីវិទ្យាល័យមេសាង ខេត្តព្រៃវែង។ ជ័យលាភីលេខ២ បេក្ខជន ប៉េង សំរិទ្ធ ជាគ្រូបង្រៀនមកពីវិទ្យាល័យគូប ខេត្តបន្ទាយមានជ័យ។ រីឯជ័យលាភីលេខ ៣ បានទៅបេក្ខជន សុខ រិទ្ធី ជាគ្រូបង្រៀនមកពីវិទ្យាល័យស្រែកាច់ ខេត្តកំពង់ ឆ្នាំង។

 រីឯការប្រគួតផ្នែកស្មូតកំណាព្យវិញម្ចាស់ជ័យ លាភីលេខ១ បានទៅលើបេក្ខនារី ផាង ពិសី ជាគ្រូបង្រៀនមកពីសាលាបឋមសិក្សាវត្ដថ្មី ខេត្ដកណ្ដាល។ ជ័យលាភីលេខ២ បានទៅលើបេក្ខនារី សេង សោភា ជាគ្រូបង្រៀនមកពីវិទ្យាល័យព្រះមុនីវង្ស ខេត្តបាត់ ដំបង។ រីឯជ័យលាភីលេខ៣ នារី សារិទ្ធ ដាវៀន ជាគ្រូបង្រៀនមកពីសាលាបឋមសិក្សាស្វាយជោ ខេត្តព្រៃវែង។

 សូមជម្រាបជូនថា ក្រសួងអប់រំតែងតែរៀបចំការប្រារព្ធទិវាដឹងគុណគ្រូបង្រៀនជារៀងរាល់ឆ្នាំនៅថ្ងៃទី៥តុលា ក្រោមប្រធានបទផ្សេងៗគ្មា។ ចំពោះកម្មវិធីប្រឡងប្រណាំងដើម្បីយកពានរង្វាន់នេះ គឺស្របទៅនឹងគោលបំណង ដើម្បីជាការបំផុសនូវគ្រប់ភូមិសិក្សាទូទាំងប្រទេស និងរំលឹកពីគុណបំណាច់របស់គ្រូបង្រៀន ដែលបានចំណាយពេលវេលា កម្លាំងកាយ កម្លាំងចិត្ត ស្មារតី និងវិជ្ជាជីវៈ ក្នុងការបំពេញភារកិច្ច ជាអ្នកបណ្ដុះ បណ្ដាលដើម្បីផ្ទេរនូវតម្លៃព្រមទាំងទូន្មានឱ្យសិស្សានុ សិស្សធ្វើតែអំពើល្អ ស្គាល់ខុស ស្គាល់ត្រូវ និងចេះគោរពចាស់ទុំ៕ អត្ថបទ៖ សុភារម្យ