លោក John Kirby គឺជាអ្នកនាំពាក្យសន្តិសុខជាតិសេតវិមាន និយាយប្រាប់ក្រុមអ្នកសារព័ត៌មានកាលពីថ្ងៃអង្គារថា ផែនការរបស់ក្រុមហ៊ុនបច្ចេកវិទ្យា Huawei ដើម្បីបន្តការផលិតបន្ទះអេឡិចត្រូនិក គ្មានអ្វីត្រូវភ្ញាក់ផ្អើលនោះទេ ។

ក្រុមហ៊ុនផលិតស្មាតហ្វូន Huawei កាលពីពេលថ្មីៗនេះ បានចាប់ផ្តើមលក់ទូរស័ព្ទ Mate 60 Pro របស់ខ្លួន មានបន្ទះឈីបដែលក្រុមអ្នកវិភាគជឿថាផលិតជាមួយរបកគំហើញបច្ចេកវិទ្យារបស់រោងចក្រផលិតបន្ទះឈីប (SMIC) 0981.HK របស់ចិន ។

ក្រសួងពាណិជ្ជកម្មសហរដ្ឋអាមេរិក បាននិយាយនៅក្នុងខែនេះថា ពួកគេនឹងធ្វើការ ដើម្បីទទួលបានព័ត៌មានបន្ថែមទៀតលើលក្ខណៈ និងសមាសភាពរបស់បន្ទះឈីប ដែលអាចបំពានលើការរឹតបន្តឹងពាណិជ្ជកម្ម ចាប់តាំងពីពួកគេ និយាយថា វាត្រូវតែផលិតឡើងជាមួយបច្ចេកវិទ្យាសហរដ្ឋអាមេរិក ។

សូមបញ្ជាក់ថា ចិន និងសហរដ្ឋអាមេរិក បានជាប់គាំងក្នុងជម្លោះកំពុងកើតឡើង ពាក់ព័ន្ធនឹងបច្ចេកវិទ្យាវត្ថុពាក់កណ្តាលចម្លង ។

ទីក្រុងវ៉ាស៊ីងតោន ពិចារណាការរឹតបន្តឹងថ្មីលើការលក់មីក្រូឈីបបញ្ញាសិប្បនិម្មិត បន្ទាប់ពីបោសសម្អាតការគ្រប់គ្រងការនាំចេញកាលពីឆ្នាំមុន ដើម្បីកាត់ផ្តាច់ចិនពីបន្ទះឈីបវត្ថុពាក់កណ្តាលចម្លង ដែលផលិតនៅកន្លែងផ្សេងទៀតនៅលើពិភពលោក ជាមួយឧបករណ៍សហរដ្ឋអាមេរិក៕