នាយករដ្ឋមន្រ្តីស្តីទីអេស្ប៉ាញលោក Pedro Sanchez កាលពីថ្ងៃអង្គារ បានទទួលយកការតែងតាំងពីព្រះមហាក្សត្រ Felipe ដើម្បីប្រឈមនឹងការបោះឆ្នោតនៅសភា សម្រាប់អាណត្តិថ្មី ក្រោយគូប្រជែងអភិរក្សនិយមរបស់លោក បរាជ័យក្នុងការព្យាយាមក្លាយជានាយករដ្ឋមន្រ្តីកាលពីសប្តាហ៍មុន ។

 លោក Sanchez និយាយថា លោកនឹងចាប់ផ្តើមជជែកគ្នាជាមួយគណបក្សសំខាន់ៗនៅថ្ងៃពុធនេះ ដោយពុំខ្ជះខ្ជាយពេលវេលានោះទេ ហើយនិងចាប់ផ្តើមការងារជាមួយរដ្ឋមន្រ្តីក្រសួងការងាររបស់លោក គឺលោក Yolanda Diaz ដែលជាប្រធានគណបក្សនិយមឆ្វេង Sumar ។

 នៅការបោះឆ្នោតពុំបានសម្រេចកាលពីថ្ងៃទី ២៣ ខែកក្កដាកន្លងទៅ គណបក្សកម្មករជាតិនិយមអេស្ប៉ាញរបស់លោក Sanchez ទទួលបានអាសនៈតិចជាងគណបក្សអភិរក្សនិយមប្រជាជនរបស់លោក Alberto Nunez Feijoo ប៉ុន្តែលោក Sanchez បាននិយាយយ៉ាងទទួចថា លោកអាចកៀងគ.ការគាំទ្រគ្រប់គ្រាន់បាន សម្រាប់បេក្ខភាពរបស់លោក ។

 ដើម្បីឈានដល់កម្រិតបោះឆ្នោតត្រូវការបន្តនៅកាន់អំណាច លោកត្រូវបញ្ចុះបញ្ចូលគណបក្ស Catalan និងគណបក្ស Basque និងគណបក្សមួយចំនួនទៀតដែលគាំទ្រឯករាជ្យតំបន់របស់ពួកគេពីទីក្រុង Madrid ។ 

 ថ្លែងពីបញ្ហាបែងចែក លោក Sanchez និយាយថា សសរស្តម្ភក្នុងចំណោមសសរស្តម្ភសំខាន់ៗរបស់រដ្ឋាភិបាលលោក នឹងត្រូវធ្វើការ ដើម្បីសហវិជ្ជមាន និងការចុះសម្រុងគ្នារវាងពលរដ្ឋអេស្ប៉ាញ ជាពិសេសនៅតំបន់ Catalonia ៕