ក្រុមជនអន្តោប្រវេសន៍ ជិះលើទូកពោងតូចៗ បានព្យាយាមធ្វើដំណើរឆ្លងកាត់ព្រែកជីកបារាំង ដើម្បីធ្វើដំណើរទៅកាន់ចក្រភពអង់គ្លេស ។

 សកម្មភាពបែបនេះ បច្ចប្បន្នបានក្លាយជារឿងទម្លាប់ទៅហើយសម្រាប់ក្រុមនាវិកនៅលើទូកសណ្តោង Abeille Normandie ដែលបានមើលឃើញក្រុមជនអន្តោប្រវេសន៍ ធ្វើដំណើរឆ្លងកាត់ពួកគេ ប៉ុន្តែនៅពេលនោះ ពួកគេក៏បានជួយសង្រ្គោះមនុស្ស ៧០០នាក់ផងដែរ ។

 អាកាសធាតុក្តៅខុសពីធម្មតា និងស្ថានភាពទឹកស្ងប់នៅលើព្រែកជីក បានជំរុញឲ្យមានការធ្វើដំណើរឆ្លងកាត់កាន់តែច្រើនរបស់ជនអន្តោប្រវេសន៍ ក្នុងរយៈពេលប៉ុន្មានសប្តាហ៍កន្លងមកនេះ ។

 កាលពីថ្ងៃទី ៣០ ខែកញ្ញាកន្លងទៅ ទិន្នន័យពីក្រុមគ្រប់គ្រងព្រំដែនចក្រភពអង់គ្លេស បង្ហាញថា ជនអន្តោប្រវេសន៍ ៥៣៧នាក់នៅលើទូកតូចៗចំនួន ៩គ្រឿង ត្រូវបានរកឃើញ ។

 ដោយឡែកនៅយប់ថ្ងៃទី ១ និងទី ២ខែតុលាការ នាវា Abeille Normandie បានអមដំណើរទូកតូចមួយគ្រឿងដែលមានផ្ទុកមនុស្សប្រហែលពី ៤០នាក់ ទៅ ៥០នាក់ ពេលដែលពួកគេធ្វើដំណើរទៅកាន់ដែនទឹកអង់គ្លេស ៕