គ្រូបង្រៀនបានដើរតួយ៉ាងសំខាន់ក្នុងការជួយជម្រុញវិស័យអប់រំនៅកម្ពុជាឱ្យកាន់តែប្រសើរឡើង និងជាសរសៃឈាមដែលមិនអាចខ្វះបានក្នុងការចូលរួមពង្រីកធនធានមនុស្សស្របតាមការវិវត្តន៍នៃសង្គម។ គ្រូបង្រៀនបានលះបង់កម្លាំងកាយ ចិត្ត ដើម្បីផ្តល់ជាចំណេះដឹងដល់ ប្អូនៗ សិស្សានុសិស្ស នៅគ្រប់កាលៈទេសៈ ប្រកបដោយសមធម៌ បរិយាបន្ន និងគុណភាព។ ការ​លះបង់​ តស៊ូ របស់លោកគ្រូ អ្នកគ្រូកន្លងមក ជាពិសេស​ក្នុងដំណាក់កាល​នៃ​ការរីករាលដាល​ជំងឺ​កូវីដ-១៩ គឺជាការចូលរួមចំណែកយ៉ាងធំធេង និងមិនអាចកាត់ថ្លៃបាន។

តាងនាម សមាជិក សមាជិកា ស.ស.យ.ក. ទាំងអស់ យើងខ្ញុំសូមសម្តែងនូវការដឹងគុណ និង​ថ្លែង​អំណរគុណយ៉ាងជ្រាលជ្រៅដល់លោកគ្រូ អ្នកគ្រូ បុគ្គលិកអប់រំ ចំពោះ​ការ​ខិតខំ​បង្ហាត់​បង្រៀន​ផ្ដល់​នូវចំណេះដឹង​ដល់សិស្សនិស្សិត​ដែលជា​ទំពាំង​ស្នងឬស្សី​របស់​ប្រទេសជាតិ​ដោយ​មិន​គិត​ការ​លំបាក​នឿយហត់។ ក្នុងឱកាសដ៏ថ្លៃថ្លានេះផងដែរ សហភាពសហព័ន្ធយុវជនកម្ពុជា (ស.ស.យ.ក.)​ ក្នុងនាមជាសិស្ស ដែលបានរៀនសូត្រពីលោកគ្រូ អ្នកគ្រូគ្រប់ៗជំនាន់ សូម​គោរ​ព​ជូនពរ លោកគ្រូ អ្នកគ្រូ អោយជួបប្រទះតែសេចក្តីសុខសុភមង្គល សុខភាពល្អបរិបូរ និង​ជោគជ័យ​គ្រប់​ភារកិច្ច។