​បាល់ទាត់៖ ​អ្នកចាត់ការ​ក្រុមបាល់ទាត់​ជំរើសជាតិ​អង់គ្លេស ​លោក Gareth Southgate បាន​ប្រកាស​បញ្ជី​ឈ្មោះ​កីឡាករ​ទាំង ២៦នាក់​ចុងក្រោយ​ជា​ផ្លូវការ ​សំរាប់​ព្រឹត្តិការណ៍​បាល់ទាត់​ជើងឯក​ទ្វីប​អឺ​រូប Euro ២០២០ ខាងមុខនេះ​។

​​កីឡាករ ៧​នាក់​ត្រូវ​បាន​កាត់​ចេញពី​បញ្ជី​បឋម ៣៣​នាក់​ដំបូង​ក្នុង​នោះ​មាន Mason Greenwood និង Jesse Lingard មាន​របួស​ភ្លៅ ​ខណៈ​កីឡាករ​ផ្សេងទៀត​ត្រូវ​បាន​កាត់ចេញ​រួមមាន​អ្នកចាំទី Aaron Ramsdale, Ben White, Ben Godfrey, James Ward-Prowse និង Olie Watkins​។ ​​មាន​ន័យ​ថា​ បញ្ជី​ឈ្មោះ​កីឡាករ ២៦នាក់​ចុង​ក្រោយនេះ​ មិន​មាន​កីឡាករ​ថ្មី​ដែល​មិន​ធ្លាប់​បាន​កោះហៅ​នោះ​ទេ​។​ ​​អ្នកចាត់ការ​អង់គ្លេស​លោក Gareth Southgate បាន​និយាយ​ថា ប្រសិន​អង់គ្លេស​មិន​អាច​ឈាន​ដល់​វគ្គ​ពាក់​កណ្តាល​ផ្តាច់ព្រ័ត្រ​ទេ នោះ​គឺជា​បរា​ជ័យ​ហើយ​។

បញ្ជី​កីឡាករ​ទាំងស្រុង​រួមមាន​អ្នកចាំទី​៖ Dean Henderson (Man Utd), Sam Johnstone (West Brom), Jordan Pickford (Everton)​។​ ​​ខ្សែការពារ​៖ John Stones (Man City), Luke Shaw (Man Utd), Harry Maguire (Man Utd), Trent Alexander-Arnold (Liverpool), Kyle Walker (Man City), Tyrone Mings (Aston Villa), Reece James (Chelsea), Conor Coady (Wolves), Ben Chilwell (Chelsea), Kieran Trippier (Atletico Madrid)​។​ ​​ខ្សែបំរើ​៖ Mason Mount (Chelsea), Declan Rice (West Ham), Jordan Henderson (Liverpool), Jude Bellingham (Borussia Dortmund), Kalvin Phillips (Leeds)​។​ ​​ខ្សែប្រយុទ្ធ​៖ Harry Kane (Tottenham), Marcus Rashford (Man Utd), Raheem Sterling (Man City), Dominic Calvert-Lewin (Everton), Phil Foden (Man City), Jack Grealish (Aston Villa), Jadon Sancho (Borussia Dortmund), Bukayo Saka (Arsenal)​។​ ​​អង់គ្លេស​ស្ថិត​ក្នុង​ពូ​ល D ដោយ​នឹង​ត្រូវ​ជួប​ជាមួយ​ក្រូ​អាស៊ី​ថ្ងៃ​ទី១៣ ខែ​មិថុនា​នេះ មុន​បន្ត​ជួប​ជាមួយ​ស្កុ​ត​ឡេ​ន​ថ្ងៃ​ទី​១៨ និង​ចុងក្រោយ​ជួប​ឆេ​ក​ថ្ងៃ​ទី​២២៕

​អត្ថបទ​៖​នាង សុភា​វុ​ធ