អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani បាននិយាយនៅលើកម្មវិធីប្រព័ន្ធផ្សព្វផ្សាយសង្គម X នៅថ្ងៃព្រហស្បតិ៍នេះថា សហរដ្ឋអាមេរិក ចក្រភពអង់គ្លេស និងអាល្លឺម៉ង់បង្ហាញ «ការព្រួយបារម្ភមិនស្មោះត្រង់»ចំពោះស្ត្រី និងក្មេងស្រីអ៊ីរ៉ង់។

សកម្មជនសិទ្ធិមនុស្សដ៏ឆ្នើមពីររូប បានប្រាប់សារព័ត៌មានរ៉យទ័រកាលពីថ្ងៃពុធថា ក្មេងស្រីវ័យជំទង់ជនជាតិអ៊ីរ៉ង់ម្នាក់ ស្ថិតក្នុងស្ថានភាពធ្ងន់ធ្ងរ បានសន្លប់នៅក្នុងមន្ទីរពេទ្យ បន្ទាប់ពីអ្វីដែលពួកគេ បាននិយាយថា ជាការប្រឈមមុខជាមួយភ្នាក់ងារនៅក្នុងរថភ្លើងក្រោមដីក្រុងតេអេរ៉ង់ជុំវិញការរំលោភច្បាប់ហ៊ីចាបរបស់ប្រទេសនេះ។

អាជ្ញាធរ បានច្រានចោលការចោទប្រកាន់ដោយក្រុមសិទ្ធិមនុស្សដែលថា នាង Armita Geravand បានសន្លប់កាលពីថ្ងៃអាទិត្យ បន្ទាប់ពីការប្រឈមមុខដាក់គ្នាជាមួយក្រុមមន្ត្រីដែលអនុវត្តច្បាប់ស្លៀកពាក់របស់ឥស្លាម។

ពុំទាន់មានការឆ្លើយតបភ្លាមៗទេកាលពីថ្ងៃពុធពីក្រសួងមហាផ្ទៃរបស់ប្រទេសអ៊ីរ៉ង់ចំពោះសំណើសុំការអត្ថាធិប្បាយអំពីឧប្បត្តិហេតុនេះទេ។