ក្រុមឃ្លាំមើលសង្រ្គាម និងសិទ្ធិមនុស្ស និយាយថា ការវាយប្រហារ កាលពីថ្ងៃព្រហស្បតិ៍ទី៥តុលារ លើបណ្ឌិត្យសភារបស់ប្រទេសស៊ីរី បានសម្លាប់មនុស្ស១១២នាក់ ដោយសារព័ត៌មានរដ្ឋបានដាក់ការស្ដីបន្ទោសលើអង្គការភេរវកម្មចំពោះការវាយប្រហារដោយយានដ្រូនក្នុងទីក្រុង ហូមស៍ (Homs) គ្រប់គ្រងដោយរដ្ឋាភិបាល។
យោងតាមកងកម្លាំងឃឺដ ក្នុងការវាយឆ្មក់តាមអាកាសដោយឡែករបស់ប្រទេសទួរគី នៅក្នុងភាគខាងជើងគ្រប់គ្រងដោយក្រុមឃឺដរបស់ប្រទេសនេះ បានសម្លាប់មនុស្សមនុស្សយ៉ាងហោចណាស់១១នាក់ បន្ទាប់ពីទីក្រុងអង់ការ៉ា(Ankara) បានគំរាមសងសឹកចំពោះការវាយប្រហារដោយគ្រាប់បែក។
សេចក្ដីថ្លែងការណ៍យោធាចេញផ្សាយដោយទីភ្នាក់ងារសារព័ត៌មានផ្លូវការ SANA បាននិយាយថា នៅក្នុងទីក្រុងហូមស៍ ភាគកណ្ដាល អង្គការភេរវកម្មប្រដាប់អាវុធបានប្រើយានដ្រូនផ្ទុកគ្រឿងផ្ទុះដាក់គោលដៅលើពិធីប្រគល់សញ្ញាបត្រដែលចូលរួមដោយក្រុមគ្រួសាររបស់សិស្សជានាយទាហាន ហើយស្ត្រី និងកុមារស្ថិតក្នុងចំណោមអ្នកស្លាប់ទាំងនោះ។
ក្រុមឃ្លាំមើលសិទ្ធិមនុស្សសម្រាប់ប្រទេសស៊ីរី ដែលមានមូលដ្ឋាននៅចក្រភពអង់គ្លេស បានរាយការណ៍ពីចំនួនអ្នកស្លាប់ចំនួន១១២នាក់ រួមទាំងជនស៊ីវិល២១នាក់ ក្នុងចំណោមពួកគេមានស្រី្ត និងក្មេងស្រី ហើយមនុស្សយ៉ាងហោចណាស់១២០នាក់ បានរងរបួស។
គិតមកដល់ពេលនេះ នៅពុំទាន់មានក្រុមណាមួយអះអាងទទួលខុសត្រូវការវាយប្រហារនេះនៅឡើយទេ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
