វីដេអូថតពីលើអាកាស ចេញផ្សាយដោយប្រភពសន្តិសុខប្រទេសទួរកី កាលពីថ្ងៃព្រហស្បតិ៍ បាន​បង្ហាញ​ការវាយប្រហារដោយយានដ្រូនជាច្រើន ជាអ្វីដែលអង្គភាពនេះនិយាយថា ជាការដាក់​គោល​ដៅ​លើជនជាតិឃឺត ក្នុងប្រទេសស៊ីរី។

ប្រភពពីសន្តិសុខទួរគី បាននិយាយកាលពីថ្ងៃព្រហស្បតិ៍ថា ទីភ្នាក់ងារស៊ើបការណ៍សម្ងាត់ជាតិ របស់​ប្រទេសទួរគី បានធ្វើការវាយប្រហារនៅក្នុងប្រទេសស៊ីរី ទៅលើ​គោលដៅ​ក្រុមសកម្ម​ប្រយុទ្ធ​ឃឺត បន្ទាប់ពីការវាយប្រហារដោយគ្រាប់បែក ក្នុងទីក្រុងអង់ការ៉ា កាលពីចុងសប្តាហ៍មុន។

ប្រភពបាននិយាយថា អង្គភាពស៊ើបការណ៍សម្ងាត់បានដាក់គោលដៅលើទីតាំងជាច្រើន និងមន្ត្រី​ជាន់ខ្ពស់​របស់ក្រុមសកម្មប្រយុទ្ធគណបក្សពលករឃឺត។