ម៉ិកស៊ិក ៖ គ្រោះថ្នាក់ចរាចរណ៍រថយន្តក្រុងនៅភាគខាងត្បូងប្រទេសម៉ិកស៊ិក កាលពីថ្ងៃសុក្រ ទី៦ ខែតុលា បានសម្លាប់ជនអន្តោប្រវេសន៍វេណេហ្ស៊ុយអេឡា និងហៃទី ១៦នាក់ ព្រមទាំងបណ្តាលឲ្យមនុស្ស ២៧នាក់ផ្សេងទៀតរងរបួស។

យោងតាមការិយាល័យរបស់រដ្ឋអាជ្ញានៅរដ្ឋ អូសាកា (Oaxaca) ជាកន្លែងជាទីដែលគ្រោះថ្នាក់បាន កើតឡើង ក្នុងចំណោមអ្នកស្លាប់មានបុរស ១៣ នាក់ ស្ត្រី ២នាក់ និងកុមារ៣នាក់ ។ 

ប្រភពខាងលើបាននិយាយថាអ្នករងរបួសទាំង២៧ នាក់ត្រូវបានបញ្ជូនទៅមន្ទីរពេទ្យនៅក្បែរនោះ ប៉ុន្តែមិនបានបញ្ជាក់ពីសញ្ជាតិរបស់ពួកគេទេ។

រថយន្តក្រុង ដែលកំពុងធ្វើដំណើរនៅលើផ្លូវហាយវេតភ្ជាប់ពីរដ្ឋអូសាកា (Oaxaca) និងរដ្ឋភូប្លា ( Puebla)ភាគកណ្តាល បានក្រឡាប់ក្នុងពេលបើកបរលើកំណាត់ផ្លូវកោងខ្លាំងមួយខ្សែ។

ឧបទ្ទវហេតុនេះកើតឡើង ស្របពេលមានចំនួនជនអន្តោប្រវេសន៍ហក់ឡើងខ្ពស់ បានទៅដល់ព្រំដែនអាមេរិក-ម៉ិកស៊ិក។ ក្រុមជនអន្តោប្រវេសន៍បានព្យាយាមឆ្លងកាត់ម៉ិកស៊ិកតាមរថយន្តក្រុង រថយន្តដឹកទំនិញ ឬជិះរថភ្លើងដឹកទំនិញជាដើម។ ទោះជាយ៉ាងណាក៏ដោយការធ្វើដំណើរ ជារឿយៗមានគ្រោះថ្នាក់៕