ឥណ្ឌា ៖ របាយការណ៍របស់អង្គការយូនីសេហ្វរកឃើញថា ទឹកជំនន់ ព្យុះ និងភ្លើងបានជម្លៀសកុមារ២ម៉ឺននាក់ជារៀងរាល់ថ្ងៃក្នុងរយៈពេល៦ឆ្នាំចុងក្រោយនេះ ។ 

យោងតាមទិន្នន័យថ្មីពីអង្គការយូនីសេហ្វ (UNICEF)កុមារជាង ៤៣ លាននាក់ត្រូវបានជម្លៀសចេញពីលំនៅឋានរបស់ពួកគេដោយសារទឹកជំនន់ ព្យុះ ភ្លៀង គ្រោះរាំងស្ងួត និងភ្លើងឆេះព្រៃក្នុងរយៈពេល៦ឆ្នាំរវាងឆ្នាំ ២០១៦ និង២០២១។ ការត្តាដែលនាំឲ្យកុមាររហូតដល់២ម៉ឺននាក់ ត្រូវបានផ្លាស់ទីចេញពីលំនៅឋានជារៀងរាល់ថ្ងៃ គឺដោយសារអាកាសធាតុអាប់អួរខ្លាំង បង្កឡើងដោយការប្រែប្រួលអាកាសធាតុ។

ក្រុមអ្នកស្រាវជ្រាវបានរកឃើញថា ទឹកជំនន់ និងព្យុះបណ្តាលឱ្យ មានការផ្លាស់ទីលំនៅ ចំនួន៩៥%របស់កុមារទាំងអស់ដែលបានកត់ត្រាទុក ដោយសារគ្រោះរាំងស្ងួត និងចំហេះព្រៃ។   

លោកស្រីកាតារីន រ៉ាសែល(Catherine Russell) នាយកប្រតិបត្តិអង្គការយូនីសេហ្វ បាននិយាយនៅក្នុងសេចក្តីថ្លែងការណ៍មួយថា វាគួរឱ្យភ័យខ្លាចណាស់សម្រាប់កុមារទាំងឡាយ នៅពេលដែលភ្លើងឆេះព្រៃដ៏សាហាវ ព្យុះភ្លៀង ឬទឹកជន់ដ៏ធ្ងន់ធ្ងរជន់លិចក្នុងសហគមន៍របស់ពួកគេ ។

អាស៊ីបូព៌ា និងអាស៊ី-ប៉ាស៊ីហ្វិក ត្រូវបានរងផលប៉ះពាល់ធ្ងន់ធ្ងរជាងគេ។ កាលពីឆ្នាំ ២០២០ ព្យុះស៊ីក្លូន អាំផាន (Amphan) បាននាំឱ្យកុមារចំនួន ១,៥ លាននាក់ផ្លាស់ទីលំនៅ នៅទូទាំងប្រទេសឥណ្ឌា បង់ក្លាដែស មីយ៉ាន់ម៉ា និងប៊ូតង់។ កាលពីឆ្នាំ ២០២១ ព្យុះទីហ្វុងរ៉ៃ (Typhoon Rai) បានបណ្តាលឱ្យកុមារ ១,៥ លាននាក់ផ្លាស់ទីលំនៅនៅទូទាំងប្រទេសហ្វីលីពីន ប៉ាលូ និងវៀតណាម៕