ស៊ូដង់ ÷ ក្រុមជំនួយនៃអង្គការគ្រូពេទ្យគ្មានព្រំដែន បាននិយាយថា ការប្រហារដោយកាំភ្លើងធំ បានសម្លាប់មនុស្សយ៉ាងហោចណាស់ ១១ នាក់ និងរបួស ៩០នាក់ នៅក្នុងទីក្រុងធំមួយក្នុងប្រទេសស៊ូដង់ ដែលហែកហួរដោយជម្លោះ។

ក្រុមជំនួយនេះ បាននិយាយថា ការវាយប្រហារនេះ បានកើតឡើងកាលពីថ្ងៃព្រហស្បតិ៍ នៅក្នុងសង្កាត់ Karari ក្នុងទីក្រុង Omdurman ក្បែររដ្ឋធានីខាទុំ របស់ប្រទេសស៊ូដង់ ដោយមិនបានប្រាប់ថា ភាគីសង្រ្គាមណាមួយរបស់ប្រទេសនេះ ជាអ្នកទទួលខុសត្រូវនោះទេ។

ក្រុមដែលត្រូវបានគេស្គាល់ផងដែរដោយអក្សរកាត់ជាភាសាបារាំងរបស់ខ្លួន MSF បាននិយាយនៅលើ X ដែលពីមុនត្រូវបានគេស្គាល់ថាជា Twitter ថា កុមារស្ថិតក្នុងចំណោមអ្នកដែលត្រូវបានសម្លាប់ ហើយអ្នករបួសកំពុងត្រូវបានព្យាបាលនៅមន្ទីរពេទ្យ Al Nao ក្នុងទីក្រុង Omdurman ។ មន្ទីរពេទ្យគឺជាកន្លែងមួយក្នុងចំណោមកន្លែងជាច្រើន ដែលក្រុមគ្រូពេទ្យ បានបើកដំណើរការ។

ប្រទេសស៊ូដង់ បានរង្គោះរង្គើដោយអំពើហិង្សា ចាប់តាំងពីពាក់កណ្តាលខែមេសា នៅពេលដែលការប្រយុទ្ធគ្នា បានផ្ទុះឡើងរវាងយោធារបស់ប្រទេស ដែលដឹកនាំដោយឧត្តមសេនីយ៍ Abdel Fattah Burhan និងកងកម្លាំងគាំទ្ររហ័សយោធាប៉ារ៉ា ដែលបញ្ជាដោយឧត្តមសេនីយ៍ Mohamed Hamden Dagalo។