ក្រុមមន្រ្តីមន្រ្តីរដ្ឋាភិបាលអ៊ីរ៉ង់ បានអបអរសាទរក្រុមហាម៉ាស់ ជុំវិញការ​វាយ​ប្រហារ​ដ៏​គួរ​ឲ្យភ្ញាក់​ផ្អើល​របស់ពួកគេលើអ៊ីស្រាអែលកាលពីព្រឹកថ្ងៃសៅរ៍ ដោយពួកគេបង្ហាញ​ការ​គាំទ្រ​ចំពោះ​ការតស៊ូ​ប្រឆាំង​នឹង​លទ្ធិហ្សាអឺន នៅទូទាំងតំបន់ ។

ស្របពេលដែលនាយករដ្ឋមន្រ្តីអ៊ីស្រាអែលលោក Benjamin Netanyahu ប្រកាសថា អ៊ីស្រាអែល​កំពុងស្ថិតក្នុងសង្រ្គាម អ្នកនាំពាក្យក្រសួងការបរទេសអ៊ីរ៉ង់លោក Nasser Kanani បានកោត​សរសើរដល់ក្រុមហាម៉ាស់ ។

លោក Kanani បាននិយាយប្រាប់ទីភ្នាក់ងារពាក់កណ្តាលផ្លូវការ ISNA ថា អ្វីដែល​បាន​កើត​ឡើង​នៅ​ថ្ងៃ​នេះ ស្ថិតក្នុងបន្ទាត់​និរន្តភាព​នៃ​ជ័យជំនះ​សម្រាប់​ការ​តស៊ូ​ប្រឆាំង​នឹង​លទ្ធិហ្សាអឺន​នៅ​លើ​តំបន់​ខុសៗ​គ្នា រួមទាំងនៅស៊ីរី លីបង់ និងដែនដីកាន់កាប់ ។

ទីភ្នាក់ងារ Tasnim News គាំទ្រដោយរដ្ឋាភិបាលអ៊ីរ៉ង់ រាយការណ៍ថា ទីប្រឹក្សា​យោធា​ជាន់​ខ្ពស់​របស់​មេដឹកនាំ Ayatollah Ali Khamenei លោកឧត្តមសេនីយ៍ទោ Yahya Rahim Safavi បាន​សន្យា​ការ​គាំទ្ររបស់អ៊ីរ៉ង់ចំពោះប្រតិបត្តិការរបស់ក្រុមហាម៉ាស់ប្រឆាំងអ៊ីស្រាអែល ។

ខណៈពេលនោះដែរ ទូរទស្សន៍រដ្ឋអ៊ីរ៉ង់ បានបង្ហាញរូបភាពវីដេអូឃ្លីបរបស់សមាជិកសភា ឈរ និង​ស្រែកពាក្យស្លាប់ទៅអ៊ីស្រាអែល និងប៉ាឡេស្ទីនឈ្នះឈ្នះ៕