ប្រមុខរដ្ឋលោក Sikkim របស់ប្រទេសឥណ្ឌា លោក Prem Singh Tamang បាន​និយាយ​កាល​ពីថ្ងៃ​សៅរ៍ (៧ តុលា) ថា ក្រុមគ្រួសារចំនួន២.២០០០នាក់ បានរង​ផល​ប៉ះពាល់​ដោយ​ទឹក​ជំនន់​ដ៏​គំហុក​នៅ​ក្នុងរដ្ឋ Sikkim ភាគឦសាននៃប្រទេសឥណ្ឌា ជាមួយនឹងមនុស្សជាង ៣៨០០​គ្រួសារ​កំពុង​ស្វែង​រកជម្រកនៅក្នុងជំរំសង្គ្រោះ។

មនុស្សយ៉ាងហោចណាស់ ៤៤នាក់បានស្លាប់ បន្ទាប់ពីបឹងទឹកកកមួយបានបាក់ច្រាំង និង​បង្ក​ជា​ទឹក​ជំនន់​ដ៏គំហុកនៅដើមសប្តាហ៍នេះ។ កម្រិតទឹកនៅបឹងឈ្មោះថា Lhonak នៅតំបន់ភ្នំនៃរដ្ឋ Sikkim បានហក់ឡើងយ៉ាងខ្លាំងកាលពីថ្ងៃពុធ (៤ តុលា) បន្ទាប់ពីមានភ្លៀងធ្លាក់ខ្លាំង ដែល​បណ្តាល​ឱ្យមានទឹកជំនន់ដ៏ធំនៅក្នុងទន្លេ Teesta ។

ផ្នែកខ្លះនៃរដ្ឋរបស់ប្រទេសឥណ្ឌាមួយនេះ ក៏កំពុងជួបប្រទះនឹងការខ្វះខាតប្រេងឥន្ធនៈផងដែរ ដោយ​ការផ្គត់ផ្គង់មិនអាចទៅដល់តំបន់រងគ្រោះដោយគ្រោះមហន្តរាយបាន បន្ទាប់​ពី​ទឹក​ជំនន់​បាន​ហូរ​កាត់​ផ្ដាច់ផ្លូវថ្នល់ និងស្ពានជាច្រើន។

សូមបញ្ជាក់ថា រដ្ឋ Sikkim ជារដ្ឋពុទ្ធសាសនាតូចមួយរបស់ឥណ្ឌា ដែលស្ថិត​នៅ​ចន្លោះ​ប្រទេស​នេប៉ាល់ ប៊ូតាន និងប្រទេសចិន ហើយមានប្រជាជនប្រហែល៦៥០.០០០នាក់៕