កងពលតូចប្រយុទ្ធទី៣របស់អ៊ុយក្រែន បានបញ្ចេញរូបភាពវីដេអូ កាលពីថ្ងៃអាទិត្យ ទី៨ខែតុលាបង្ហាញពីការវាយប្រយុទ្ធគ្នាដ៏ខ្លាំងក្លាជាមួយទាហានរុស្ស៊ី ជិតទីក្រុងបាកមូដ(Bakhmut)។

កងពលតូចនេះ បាននិយាយនៅក្នុងការបង្ហោះលើបណ្ដាញសង្គម Telegram ថា វីដេអូនេះបង្ហាញពីរថយន្តដឹកកងទ័ពរបស់ក្រុមហ៊ុនមួយ កំពុងរងការវាយប្រហារ បន្ទាប់ពីទាហាន ត្រូវបានបង្ខំឲ្យប្រមូលកម្លាំងឡើងវិញ និងចាត់វិធានការការពារ។

សារព័ត៌មាន Reuters មិនអាចបញ្ជាក់ពីទីតាំងឬ កាលបរិច្ឆេទ វីដេអូដែលបានបង្ហោះនេះបានទេ។

កងកម្លាំងអ៊ុយក្រែន កំពុងវាយប្រយុទ្ធដើម្បីដណ្ដើមដែនដីមកវិញនៅជិតទីក្រុង Bakhmut ដែល រងការបំផ្លិចបំផ្លាញ រឹបអូសដោយកងកម្លាំងរុស្ស៊ី កាលពីខែឧសភា បន្ទាប់ពីការប្រយុទ្ធគ្នា ជាច្រើនខែមកនេះ៕