អ៊ីស្រាអែល ៖ កម្មវិធីស្បៀងអាហារពិភពលោករបស់អង្គការសហប្រជាជាតិ (WFP) មានការព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺនយ៉ាងឆាប់រហ័សនៅក្នុងប្រទេសអ៊ីស្រាអែល និងរដ្ឋប៉ាឡេស្ទីន ព្រមទាំងផលប៉ះពាល់នៃជម្លោះនេះទៅលើប្រជាជន។

ខណៈដែលជម្លោះកាន់តែតានតឹង ជនស៊ីវិល រួមទាំងកុមារ និងគ្រួសារដែលងាយរងគ្រោះ កំពុងប្រឈមមុខនឹងបញ្ហាប្រឈមកាន់តែខ្លាំងឡើង ក្នុងការទទួលបានការផ្គត់ផ្គង់ស្បៀងអាហារសំខាន់ៗ ដោយបណ្តាញចែកចាយអាហារត្រូវបានរំខាន ហើយការផលិតស្បៀងត្រូវបានរារាំងយ៉ាងធ្ងន់ធ្ងរដោយអរិភាព។

ទីភ្នាក់ងារ WFP ជំរុញឱ្យមានការចូលផ្ដល់ជំនួយទៅកាន់តំបន់រងគ្រោះដោយសុវត្ថិភាព និងគ្មានការរារាំង ហើយអំពាវនាវឱ្យភាគីទាំងអស់រក្សាគោលការណ៍នៃច្បាប់មនុស្សធម៌ ដោយចាត់វិធានការចាំបាច់ទាំងអស់ដើម្បីការពារអាយុជីវិត និងសុខុមាលភាពរបស់ជនស៊ីវិល រួមទាំងការធានាឱ្យមានលទ្ធភាពទទួលបានស្បៀងអាហារគ្រប់គ្រាន់ផងដែរ៕