វេណេហ្ស៊ីយអេឡា ៖ អតីតបេក្ខភាពប្រធានាធិបតី ២សម័យកាលរបស់វេណេហ្ស៊ុយអេឡា លោក Henrique Capriles បានប្រកាសកាលពីថ្ងៃអាទិត្យ (ទី៨ ខែតុលា) ពីដកខ្លួនរបស់គាត់ពីការប្រកួតប្រជែងដណ្ដើមតំណែងកំពូលរបស់ប្រទេស ដោយសារតែការដកសិទ្ធិនយោបាយរបស់គាត់។

ក្នុងសេចក្តីថ្លែងការណ៍ផ្ទាល់នៅលើបណ្ដាញសង្គម Instagram និង X លោក Capriles បាននិយាយថា ការគាំទ្ររបស់គណបក្ស នឹងសម្រេចពីអនាគតនយោបាយរបស់លោក ប៉ុន្តែនៅក្នុងលិខិតមួយដែលបានបង្ហោះនៅលើគណនីបណ្ដាញសង្គមរបស់លោក លោកបានប្រាប់ឲ្យដឹងថា លោកមិនអាចបន្តនៅក្នុងការប្រណាំងប្រជែងក្នុងការបោះឆ្នោតបានទេ ដោយសារតែមានការហាមឃាត់។

ការចាកចេញរបស់អ្នកនយោបាយនេះ នឹងហាក់ដូចជាតំណាងឲ្យការប៉ះពាល់ដ៏ធំដល់ដំណើរការផ្ទៃក្នុងរបស់គណបក្សប្រឆាំង ពីព្រោះទោះបីជាមិនត្រូវបានចាត់ទុកថា មានសិទ្ធិខ្ពស់ ក្នុងការទទួលបានជ័យជម្នះក៏ដោយ ក៏មេដឹកនាំរូបនេះតែងតែជួយគាំទ្រដល់ដំណើរការបោះឆ្នោត និងការរួបរួមរបស់គណបក្សប្រឆាំង ដែលជាមធ្យោបាយតែមួយគត់ ដើម្បីផ្ដួលប្រធានាធិបតី លោក Nicolás Maduro នៅក្នុងការបោះឆ្នោតប្រធានាធិបតីឆ្នាំ២០២៤៕