ឥណ្ឌា ៖ វិចិត្រករចម្លាក់ដីខ្សាច់ដ៏ល្បីល្បាញមួយរូបរបស់ពិភពលោករស់នៅក្នុងទីក្រុងភាគខាងកើត Puri របស់ប្រទេសឥណ្ឌា បានបង្កើតចម្លាក់ដីខ្សាច់ រៀបរាប់ពីការបំផ្លិចបំផ្លាញនៅប្រទេសអ៊ីស្រាអែល ដើម្បីឧទ្ទិសដល់ជនរងគ្រោះកាលពីថ្ងៃអាទិត្យ ។ 

ចម្លាក់ដីខ្សាច់ដែលបង្កើតឡើងដោយលោក Sudarsan Pattnaik មានឆ្លាក់ពាក្យ “បួងសួងសុំសន្តិភាព”នេះ ឃើញអគាររងការឆាបឆេះ ជាមួយនឹងទង់ជាតិអ៊ីស្រាអែល ។ 

លោក Pattnaik និយាយថា ពួកយើងបានបង្កើតចម្លាក់ដីខ្សាច់ឡើង ដើម្បីបង្ហាញការដឹងគុណដល់អ្នកគ្មានកំហុសដែលអាយុជីវិតរបស់ពួកគេត្រូវបាត់បង់ នៅក្នុងការវាយប្រហារនៅអ៊ីស្រាអែល ។ 

លោកបន្តថា មរណៈទុក្ខដ៏ជ្រាលជ្រៅរបស់ពួកយើង ចំពោះអ្នកដែលគ្មានកំហុសត្រូវបាត់បង់ជីវិតរបស់ពួកគេ នៅក្នុងការវាយប្រហារនេះ ហើយពួកយើងបានបង្កើតចម្លាក់ដីខ្សាច់នេះ ជាមួយនឹងសារសាមគ្គីភាព “បួងសួងសុំសន្តិភាព”ជាមួយមនុស្សជាតិ ៕