ប្រធានសហព័ន្ធកីឡាប្រណាំងយានយន្តលោក Mohammed Ben Sulayem បានឱ្យដឹងថា លោក​ស្វាគមន៍ចំពោះការបង្កើនឱ្យមានក្រុមប្រណាំង F1 ច្រើនជាងនេះ តែត្រូវកាត់​បន្ថ​យ​ចំនួន​ប្រកួត​ក្នុង​រដូវកាល។

ការលើកបែបនេះធ្វើឡើងបន្ទាប់ពីបញ្ចប់ការប្រកួត Formula One លើ​ទឹក​ដី​កាតា​កាល​ពី​ថ្ងៃអាទិត្យ ស្របពេលដែល F1 អាចនឹងមានវត្តមានក្រុមបន្ថែមទៀតនៅឆ្នាំក្រោយគឺក្រុម General​ Motor’s Cadillac របស់អតីតកីឡាករ F1, Michael Andretti។

FIA ទើបបានប្រកាសកាលពីសប្តាហ៍មុន ពីការយល់ព្រមសំណើចូលរួមប្រកួតរបស់ General Motor’s Cadillac តែត្រូវឆ្លងកាត់ការពិភាក្សាបន្ថែមទៀត។

មិនត្រឹមតែប៉ុននេះទេ FIA មានគោលដៅដល់ ១២ ក្រុមប្រសិនបើអាចទៅរួច។

បច្ចុប្បន្ន F1 មានត្រឹម ១០ ក្រុម និងប្រកួតសរុប ២២ ទីលាន ខណៈរដូវកាលក្រោយ ប្រសិន​បើ​អ្វី​ៗ​អាច​សំរេចទាន់ គេនឹងឃើញមានដល់ ១១ ក្រុមចូលរួម តែការប្រកួតសរុបកើនឡើងដល់ ២៤ ទីលាន៕ អត្ថបទ៖នាង សុភាវុធ