សេវាកម្មសង្រ្គោះបន្ទាន់ក្នុងតំបន់ និយាយថា ឆ្មាំល្បាតឆ្នេរអេស្ប៉ាញ បានសង្រ្គោះជនអន្តោប្រវេសន៍ ៤២៥នាក់ ចាប់ពីយប់ថ្ងៃអាទិត្យរហូតដល់ថ្ងៃចន្ទ នៅជិតប្រជុំកោះ Canary ។ 

 ទូក ២គ្រឿង ដឹកមនុស្ស ១៩៩ក្នុងចំណោមជនអន្តោប្រវេសន៍ទាំងនោះ ត្រូវបាននាំមកកាន់កំពង់ផែ Los Cristianos ស្ថិតក្នុងកោះ Tenerifeខណៈជនអន្តោប្រវេសន៍ ៨៧នាក់ ត្រូវបានជួយសង្រ្គោះនៅជិតកោះ Lanzarote ជនអន្តោប្រវេសន៍ ៥៨ត្រូវបានជួយសង្រ្គោះនៅជិតកោះ Fuerteventura ហើយជនអន្តោប្រវេសន៍ ៨១នាក់ ត្រូវបាននាំមកកាន់កំពង់ផែ Arguineguin ស្ថិតនៅលើកោះ Gran Canaria ។ 

 បច្ចុប្បន្ន ប្រជុំកោះ Canary ពិបាកខ្លាំងដោយសារតែការហក់ឡើងខ្ពស់ការមកដល់ថ្មីរបស់ជនអន្តោប្រវេសន៍ ក៏ដូចជានាំពួកគេចេញពីកោះតូចៗ ដូចជាកោះ El Hierro ទៅកាន់កោះធំ Tenerife ។ 

 ការមកដល់របស់ជនអន្តោប្រវេសន៍តាមសមុទ្រមកកាន់ប្រទេសអេស្ប៉ាញ បានកើនឡើង ១ភាគ៥ មកទល់នឹងពេលនេះ ក្នុងឆ្នាំនេះ នេះបើធៀបនឹងរយៈពេលតែមួយកាលពីឆ្នាំ ២០២២ ក្នុងនោះជនអន្តោប្រវេសន៍ ជាង ៣.៥០០នាក់ បានធ្វើដំណើរមកដល់ប្រជុំកោះ Canary កាលពីខែមុន ស្របពេលដែលអាកាសធាតុអំណោយផលច្រើនជាងមុន ហើយនិងរលកសមុទ្រស្ងប់ល្អ ៕