ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នៅរសៀលថ្ងៃទី១១ ខែ តុលា ឆ្នាំ២០២៣ បានផ្ញើសារជាសំឡេងតាមបណ្ដាញសង្គមផ្ទាល់របស់សម្ដេចជូនជនរួមជាតិ និងបក្ស នយោបាយនានាថា កម្ពុជាពិតជាមានការតម្រូវការនៅក្នុងការរួបរួមពីគ្រប់បក្សនយោបាយទាំងអស់ ដែលបានចុះបញ្ជីស្របច្បាប់នៅក្រសួងមហាផ្ទៃ។

សម្ដេចតេជោ ហ៊ុន សែន បានបញ្ជាក់បន្ថែមថា ការមានតម្រូវការរួបរួមពីបក្សនយោបាយទាំងអស់នេះ គឺដើម្បីកម្ពុជារក្សាបាននូវសុខសន្តិភាព និងការអភិវឌ្ឍរយៈពេលវែង។

​សម្ដេចតេជោប្រធានគណបក្សប្រជាជនកម្ពុជា បញ្ជាក់បន្ថែមថា នៅក្នុងការរួបរួមកម្លាំងពីគ្រប់បក្សន យោបាយនៅកម្ពុជានេះ គឺគណបក្សប្រជាជនកម្ពុជា គោរពចំពោះឯករាជភាពរបស់គ្រប់បក្សនយោបា យទាំងអស់មិនថា បក្សធំ បក្សតូច បក្សមានសំឡេងនៅក្នុងសភា ឬ មិនមានសំឡេងនៅក្នុងសភា នោះឡើយ គឺគណបក្សប្រជាជន គោរពនូវភាពស្មើមុខ ស្មើមាត់ចំពោះគ្រប់បក្សនយោបាយទាំងអស់។

កាលពីថ្ងៃទី១០ ខែតុលា ឆ្នាំ២០២៣ មានគណបក្សនយោបាយចំនួន ១៣ នៅកម្ពុជាបានសរសេរសំ ណើសុំចងសម្ពន្ធភាពជាមួយគណបក្សប្រជាជនកម្ពុជា។ គណបក្សទាំង ១៣ នោះមានដូចជា គណ បក្សធម្មាធិបតេយ្យ, គណបក្សកម្លាំងប្រជាធិបតេយ្យ, គណបក្សរស្មីខេមរា, គណបក្សនគរប្រជាធិបតេ យ្យ, គណបក្សមហាសាមគ្គីជាតិខ្មែរ, គណបក្សអំណាចប្រជាពលរដ្ឋ, គណបក្សខ្មែរក្រោក, គណបក្ស កម្ពុជាសិរីឯករាជប្រជាធិបតេយ្យ, គណបក្សខ្មែរអភិវឌ្ឍសេដ្ឋកិច្ច, គណបក្សចលនាប្រជាធិបតេយ្យ, គ ណបក្សខ្មែរអង្គរ, គណបក្សឯកភាពជាតិខ្មែរ និងគណបក្សខ្មែរសាធារណរដ្ឋ ជាដើម៕ ដោយ៖ គង់ ឌិន