ប្រភពជាច្រើនដែលដឹងពីគំនិតរបស់ក្រុមនេះ បាននិយាយថា ក្រុមហេស​បូឡារបស់​ប្រទេស​លីបង់​ បានផ្លាស់ប្តូរយ៉ាងប្រុងប្រយ័ត្នបំផុត ចាប់តាំងពីក្រុមហាម៉ាស និង អ៊ីស្រាអែល បាន​ធ្វើ​សង្រ្គាម ដោយធ្វើឲ្យកងទ័ពអ៊ីស្រាអែលជាប់រវល់ក្នុងការវាយប្រហារ នៅព្រំដែនលីបង់ ប៉ុន្តែ​មិន​បាន​បើក​ផ្នែកខាងមុខដ៏ធំនោះទេ។

ក្រុមដែលគាំទ្រដោយអ៊ីរ៉ង់ កំពុងត្រៀមខ្លួនប្រយុទ្ធក្នុងសង្គ្រាម ដោយ​ដាក់​ពង្រាយ​កង​កម្លាំង​ពិសេស ​និងគ្រាប់រ៉ុក្កែតរបស់ខ្លួន ដើម្បីត្រៀមសម្រាប់លទ្ធភាពនៃសង្រ្គាម។

ប្រភព​ទាំងនោះ បាននិយាយទៀតថា ភាពតានតឹងមានកម្រិតខ្ពស់ជាងចំណុចណាមួយ ចាប់​តាំង​ពីវា​បាន​ប្រយុទ្ធ​នឹងជម្លោះឆ្នាំ ២០០៦ ជាមួយនឹងអ៊ីស្រាអែល។ យុទ្ធជនហេសបូឡា (Hezbollah)​ បីនាក់ ត្រូវបានសម្លាប់រួចហើយ។

សម្ព័ន្ធមិត្ត​ប៉ាឡេស្ទីនរបស់ក្រុមហេសបូឡា គឺក្រុមហាម៉ាស និងក្រុមជីហាតឥស្លាម ក៏​បាន​ចូល​ប្រឡូក​ក្នុង​ជម្លោះផងដែរ ដោយបានវាយប្រហារអ៊ីស្រាអែលពីប្រទេសលីបង់ជាលើកដំបូង រួម​ទាំង​ការ​លួចជ្រៀតចូលឆ្លងព្រំដែន កាលពីថ្ងៃចន្ទ ដែលកងទ័ពអ៊ីស្រាអែលនិយាយថា ទាហាន​របស់​ខ្លួន​បីនាក់ និងខ្មាន់កាំភ្លើងពីរនាក់ ត្រូវបានសម្លាប់៕