ភ្នំពេញ៖ឯកឧត្តម នេត្រ ភក្រ្ដា រដ្ឋមន្រ្ដីក្រសួងព័ត៌មាន នៅថ្ងៃទី ១១ ខែតុលា ឆ្នាំ ២០២៣នេះ បាន​ជម្រាប​ជូនដល់ម្ចាស់ប្រព័ន្ធផ្សព្វផ្សាយទាំងអស់ចូលរួមផ្សព្វផ្សាយសារអប់រំបញ្ហាគ្រឿងញៀន និង​គ្រោះថ្នា​ក់ចរាចរណ៍ ក្នុងឱកាសបុណ្យកាន់ បិណ្ឌ និងភ្ជុំបិណ្ឌ​ប្រពៃណី​ជាតិ​ដែល​នឹង​ប្រព្រឹត្តិ​ទៅ​នៅ​ថ្ងៃទី៣០ ខែកញ្ញា ដល់ថ្ងៃទី១៥ខែតុលា ឆ្នាំ២០២៣នេះ។

ឯកឧត្តមថ្លែងថា នាឱកាសបុណ្យកាន់បិណ្ឌ និងភ្ជុំបិណ្ឌប្រពៃណីជាតិ ដែលនឹង ប្រព្រឹត្តិ​ទៅ​នៅ​ថ្ងៃ​ទី​៣០ ខែកញ្ញា ដល់ថ្ងៃទី១៥ ខែតុលា ឆ្នាំ២០២៣ ប្រជាពលរដ្ឋនៅទូទាំងប្រទេសនឹងបាន ឈប់​សម្រាក​ពី​ការងារ ហើយធ្វើដំណើរទៅលេងស្រុកកំណើតដើម្បីជួបជុំក្រុមគ្រួសារ ញាតិមិត្ត បងប្អូន និង ធ្វើដំណើរទៅកាន់ទីអារាម ក៏ដូចជាធ្វើ​ដំណើរ​កម្សាន្ត​នៅ​តាម​រមណីយដ្ឋាន​នានា​នៅ​ទូទាំង​ប្រទេស។

ឯកឧត្តមថ្លែងបានជម្រាបដល់ ឯកឧត្តម លោកជំទាវ លោកឧកញ៉ា លោក លោកស្រី ម្ចាស់​ប្រព័ន្ធ​ផ្សព្វ ផ្សាយ​ទាំង​អស់​ជួយ​ផ្សព្វ​ផ្សាយ​ឱ្យ​បាន​ជា​អតិបរមា​នូវ​សារ​អប់រំ​របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន និងគណៈកម្មាធិការជាតិសុវត្ថិភាពចរាចរផ្លូវគោគ ដើម្បីបំផុសស្មារតី និង​ដាស់​តឿន​ក្រើនរំលឹកដល់ប្រជា ពលរដ្ឋឱ្យមានការប្រុងប្រយ័ត្ន ព្រមទាំងចូលរួមការពារខ្លួន និង​ក្រុម​គ្រួសារ មិត្តភក្តិ ចៀសផុតពីការបើ ប្រាស់គ្រឿងញៀន និងគ្រោះ​ថ្នាក់​ចរាចរណ៍​ដែល​ធ្វើ​ឱ្យ​ប៉ះ​ពាល់​ដល់​អាយុជីវិត ខូចខាតទ្រព្យសម្បត្តិរបស់ បងប្អូនប្រជាពលរដ្ឋរបស់យើង៕