ភ្នំពេញ៖ ឯកឧត្តមសាស្ដ្រាចារ្យ ឈាង រ៉ា រដ្ឋមន្ដ្រីក្រសួងសុខាភិបាល លោកជំទាវសាស្រ្តាចារ្យ យូ យានហុង សមាជិកគណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន និងជាលេខាធិការនៃសមាជិកដឹកនាំបក្សកុម្មុយនីសចិន និងជាប្រធានគណៈកម្មាធិការជាតិវេជ្ជសាស្ត្របុរាណចិន និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា បានអញ្ជើញសម្ពោធមជ្ឈមណ្ឌលស្រាវជ្រាវឱសថបុ រាណចិន-កម្ពុជា នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ នៅថ្ងៃទី១២ ខែតុលា ឆ្នាំ២០២៣។..….

លោកជំទាវសាស្រ្តាចារ្យ យូ យានហុង បានថ្លែងថា ឆ្នាំ២០២៣នេះ ជាខួបលើកទី៦៥ នៃការបង្កើតទំ នាក់ទំនងការទូត និងជាឆ្នាំមិត្តភាពកម្ពុជា-ចិន។ ចិន និងកម្ពុជា បានរួមគ្នាប្រារព្ធ និងអបអរសាទរយ៉ាងឱឡារិក ក្នុងការដាក់ឱ្យដំណើរការជាផ្លូវការនៃមជ្ឈមណ្ឌលស្រាវជ្រាវឱសថបុរាណចិន-កម្ពុជា ប្រកបដោយអត្ថន័យកាន់តែវិសេសវិសាល។ លោកជំទាវសាស្ត្រាចារ្យបន្តថា ការកសាងមជ្ឈមណ្ឌលស្រាវជ្រាវឱសថបុរាណចិន-កម្ពុជានេះ មិនត្រឹមតែជួយស្វែងយល់ពីកិច្ចការសំខាន់នៃការកសាងគំរូ និងផ្លូវថ្មីសម្រាប់មជ្ឈមណ្ឌលឱសថបុរាណចិននៅក្រៅប្រទេសប៉ុណ្ណោះទេ គឺថែមទាំងជំរុញឱ្យចំណងមិត្តភាពចិន-កម្ពុជាកាន់តែស៊ីជម្រៅ និងរួមចំណែកកសាងសហគមន៍វាសនារួមកម្ពុជា-ចិន ក្នុងយុគសម័យថ្មីថែមទៀត។

លោកជំទាវសាស្រ្តាចារ្យបន្ថែមថា ឱសថបុរាណចិន គឺជាវិទ្យាសាស្ត្រវេជ្ជសាស្ត្រ ដែលត្រូវបានបង្កើតឡើងជាបន្តបន្ទាប់ ហើយត្រូវបានបន្តអភិវឌ្ឍដោយប្រជាជន នៃគ្រប់ក្រុមជនជាតិនៅក្នុងប្រទេសចិនអំឡុងពេលជីវិតរស់នៅ ផលិតកម្ម និងការតស៊ូប្រឆាំងនឹងជំងឺតាំងពីយូរលង់មក។ រដ្ឋាភិបាលចិនតែងតែយកចិត្តទុកដាក់យ៉ាងខ្លាំង ចំពោះការអភិវឌ្ឍឱសថបុរាណចិននេះ។ ក្នុងប៉ុន្មានឆ្នាំនេះ ឱសថបុរាណចិន បានដើរតួនាទីយ៉ាងសំខាន់នៅក្នុងប្រព័ន្ធវេជ្ជសាស្ដ្រអន្ដរជាតិ។ ឱសថបុរាណចិន បានផ្សព្វផ្សាយ និងត្រូវបានប្រើប្រាស់នៅ ១៩៦ប្រទេស និងតំបន់ក្នុងពិភពលោក ហើយមានប្រសិទ្ធភាពគួរឱ្យកត់សម្គាល់។

ឯកឧត្តមសាស្ដ្រាចារ្យ ឈាង រ៉ា បានសម្តែងនូវការដឹងគុណដល់រដ្ឋាភិបាលនៃសាធារណរដ្ឋប្រជាមានិ តចិន ដែលបានផ្តួចផ្តើមឱ្យមានមជ្ឈមណ្ឌលស្រាវជ្រាវឱសថបុរាណចិន-កម្ពុជានេះឡើង។ ឯកឧត្តមរ ដ្ឋមន្រ្ដីបន្ថែមថា ដើម្បីឆ្លើយតបទៅនឹងកំណើន និងតម្រូវការចាំបាច់ផ្នែកថែទាំសុខភាពប្រជាពលរដ្ឋដែ លចូលមកពិនិត្យ និងព្យាបាលជំងឺនៅក្នុងមន្ទីរពេទ្យនេះ ក្រសួងសុខាភិបាលបានលើកទឹកចិត្តបង្កើតឱ្យមានមជ្ឈមណ្ឌលស្រាវជ្រាវឱសថបុរាណ ដែលសមិទ្ធផលថ្មីនេះគឺជាចំណងដៃដ៏ថ្លៃថ្លាមិនអាចកាត់ថ្លៃបាន ដែលកើតចេញពីចំណងមិត្តភាពដែកថែប កិច្ចសហប្រតិបត្តិការក្នុងភាពជាដៃគូយុទ្ធសាស្រ្តគ្រ ប់ជ្រុងជ្រោយ និងការកសាងសហគមន៍វាសនារួមកម្ពុជា-ចិន ជូនដល់បងប្អូនប្រជាពលរដ្ឋទាំងអស់៕ អត្ថបទ រដ្ឋា អត្ថបទ៖ រដ្ឋា​