ប្រជាជនអ៊ីស្រាអែលនៅទីក្រុង Tel Aviv បានប្រារព្ធពិធីគោរពវិញ្ញាណក្ខន្ធកាលពីថ្ងៃព្រហស្បតិ៍ សម្រាប់​ជនរងគ្រោះក្នុងការវាយប្រហារកាលពីថ្ងៃទី ៧ ខែតុលា ដោយក្រុមហាម៉ាស នៅ​ភាគ​ខាង​ត្បូង​ប្រទេស​។

កាលពីថ្ងៃសៅរ៍ ទី ៧ ខែតុលា ក្រុមហាម៉ាស​បាន​បើកការ​វាយ​ប្រហារ​ដ៏​គួរ​ឱ្យ​ភ្ញាក់​ផ្អើល​មិន​ធ្លាប់​មាន​ពី​មុន​មក លើប្រទេសអ៊ីស្រាអែលបណ្តាលឲ្យមនុស្សជាង ១.៣០០ នាក់ស្លាប់ ដែលធ្វើ​ឱ្យ​វា​ក្លាយ​ជា​ការវាយប្រហារដ៏ឃោឃៅបំផុតលើជនស៊ីវិលក្នុងប្រវត្តិសាស្ត្ររបស់ប្រទេសនេះ។ មនុស្សជាង ១០០ នាក់ត្រូវបានចាប់ធ្វើជាចំណាប់ថ្នូរ ហើយ​នៅ​តែ​ស្ថិត​ក្នុង​ការ​ឃុំ​ខ្លួន​របស់​ក្រុម​ហាម៉ាស។​

លោក Ran Oren បានផ្តល់ទៀនសម្រាប់ការគោរពវិញ្ញាណក្ខន្ធ ដែលត្រូវបាន​ប្រារព្ធ​ឡើង​នៅ​ជុំវិញ​អាង​ទឹកមួយកន្លែងនៅកណ្តាលទីក្រុង Tel Aviv បាននិយាយថា ទៀននីមួយៗ​ដែល​បាន​ផ្តល់​ឲ្យ តំណាងឱ្យជនរងគ្រោះម្នាក់នៃការវាយប្រហារ។ លោកនិយាយថា ការគោរពវិញ្ញណក្ខខន្ធ ត្រូវ​បានធ្វើឡើងក្នុងគោលបំណង«បំភ្លឺពេលងងឹតនេះ»។

អ្នកឈរមើល រាប់សិប​នាក់​អាច​ត្រូវ​បាន​គេ​មើល​ឃើញ​ថា​បា​ន​ប្រមូល​ផ្តុំ​គ្នា​នៅ​ជុំវិញ​កន្លែង​គោរព្ធ​វិញ្ញាណក្ខន្ធ​បណ្តោះអាសន្នមួយកន្លែង ដោយពួកគេមួយចំនួនដុតភ្លើងទៀននៅតាមអាងទឹក។ អ៊ីស្រាអែល បានប្តេជ្ញាថានឹងកម្ទេចចលនាក្រុមហាម៉ាសដែលគ្រប់គ្រងនៅតំបន់ហ្កាហ្សា ជា​ការ​សង​សឹក​ចំពោះ​ការ​វាយ​ប្រហារ​ដ៏​ឃោឃៅ​បំផុត​មក​លើ​ជន​ស៊ីវិល​ជន​ជាតិ​ជ្វី​ហ្វចា​ប់​តាំង​ពី​មាន​ការ​សម្លាប់​រង្គាល​។

ចាប់តាំងពីពេលនោះមក យន្តហោះរបស់អ៊ីស្រាអែល បាននិងកំពុង​បាញ់​ផ្លោង​មក​លើ​តំប​ន់​ហ្គាហ្សា​ ដោយការវាយប្រហារតាមអាកាសយ៉ាងខ្លាំងដោយបានសម្លាប់មនុស្សយ៉ាងហោចណាស់ ១.៤០០​នាក់៕