ក្រុមសកម្មប្រយុទ្ធហាម៉ាស់ដែលកំពុងគ្រប់គ្រងនៅតំបន់ហ្គាហ្សា បានអំពាវនាវឱ្យពលរដ្ឋប៉ាឡេស្ទីនក្រោកឡើងនៅថ្ងៃសុក្រនេះ ដើម្បីតវ៉ាចំពោះការទម្លាក់គ្រាប់បែករបស់អ៊ីស្រាអែលនៅតំបន់ហ៊ុមព័ទ្ធ ដោយជំរុញឱ្យពលរដ្ឋប៉ាឡេស្ទីន ដើរដង្ហែរទៅកាន់វិហារអ៊ីស្លា Al-Aqsa នៅទីក្រុងហ្សេរុយសាឡឹមខាងកើត និងប៉ះទង្គិចជាមួយទាហានអ៊ីស្រាអែលនៅតំបន់កាន់កាប់ West Bank។ អ៊ីស្រាអែល បាននឹងកំពុងបាញ់ផ្លោងមកលើតំបន់ហ្គាហ្សា ដោយការវាយប្រហារតាមអាកាស និងការបាញ់កាំភ្លើងធំ ជាការសងសឹកចំពោះការវាយលុករបស់ក្រុមហាម៉ាសក្នុងប្រទេសអ៊ីស្រាអែលក្នុងសប្តាហ៍នេះ។
យោងតាមមន្ត្រីប៉ាឡេស្ទីន បានឲ្យដឹងថា ពលរដ្ឋប៉ាឡេស្ទីនជាង ១.៥០០ នាក់បានស្លាប់ក្នុងការវាយប្រហារនេះ។ អំពើហឹង្សានៅតំបន់ហ្គាហ្សា បានបន្តភាពតានតឹងនៅក្នុងទីក្រុងហ្សេរុយសាឡឹមខាងកើត និងនៅតំបន់ West Bank ជាកន្លែងដែលកងទ័ពអ៊ីស្រាអែល បានសម្លាប់ពលរដ្ឋប៉ាឡេស្ទីនយ៉ាងហោចណាស់ ៣៤នាក់ ក្នុងអំឡុងពេលប៉ះទង្គិចគ្នាចាប់តាំងពីការវាយប្រហាររបស់ក្រុមហាម៉ាសកាលពីថ្ងៃសៅរ៍ ។ នៅក្នុងសេចក្តីថ្លែងការណ៍មួយដែលអំពាវនាវឱ្យមាន «ការចល័តជាទូទៅ» ក្រុមហាម៉ាស់ បានជំរុញឱ្យពលរដ្ឋប៉ាឡេស្ទីន តវ៉ានៅក្នុងបរិវេណវិហារអ៊ីស្លាម Al-Aqsa ជាកន្លែងបរិសុទ្ធមួយក្នុងចំណោមកន្លែងពិសិដ្ឋបំផុតនៅមជ្ឈិមបូព៌ា ហើយស្នាក់នៅទីនោះពេញមួយថ្ងៃសុក្រនៅពេលប្រជាជនមូស្លីមប្រារព្ធការអធិស្ឋានប្រចាំសប្តាហ៍ដ៏ធំ។ បរិវេណនេះគឺជាផ្នែកពិសិដ្ឋបំផុតទី៣ របស់សាសនាឥស្លាមបន្ទាប់ពីទីក្រុង Mecca និង Medina និងពិសិដ្ឋបំផុតសម្រាប់ជនជាតិជ្វីហ្វ ដែលហៅវាថាជាប្រាសាទភ្នំ។
ការប៉ះទង្គិចគ្នានៅបរិវេណនេះ បានជួយបញ្ចប់សង្គ្រាមអ៊ីស្រាអែល-តំបន់ហ្គាហ្សា រយៈពេល ១១ ថ្ងៃកាលពីខែឧសភា ឆ្នាំ ២០២១។ ក្រុមហាម៉ាស់បានជំរុញប្រជាជនប៉ាឡេស្ទីននៅតំបន់ West Bank ធ្វើបាតុកម្ម ប្រមូលផ្តុំគ្នា និងប៉ះទង្គិចជាមួយកងទ័ពអ៊ីស្រាអែល និងជាមួយអ្នកតាំងលំនៅឋាន៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
