ប្រទេសអ៊ីស្រាអែល បានប្រមូលកងទ័ពនៅជិតព្រំដែនជាមួយតំបន់ហ្កាហ្សា សម្រាប់​ការ​រីក​កាន់​តែធំ ជាក់ស្តែងនៃការប្រយុទ្ធគ្នា ដែល​បាន​ឆក់​យក​ជីវិត​ប្រជាជន​អ៊ីស្រាអែល​យ៉ាង​តិច ១.៣០០​នាក់​ និងប៉ាឡេស្ទីន១.៥០០នាក់។ ការត្រៀមលក្ខណៈសម្រាប់ការវាយលុកលើដីគោក កំពុង​ត្រូវ​បាន​ធ្វើ​ឡើង​បន្ទាប់​ពី​ការ​វាយ​ប្រហារ​ដ៏គួរឱ្យ​ភ្ញាក់​ផ្អើល​កាល​ពីចុង​សប្តាហ៍​ដោយ​ក្រុម​សកម្ម​ប្រយុទ្ធ​ហាម៉ាស់​ប៉ាឡេស្ទីន ដែលបានចាប់ចំណាប់ថ្នូរជាង ១០០ នាក់។ អ៊ីស្រាអែល បានសងសឹក​ការ​វាយ​ប្រហារ​តាមអាកាសជាច្រើនថ្ងៃ ហើយ បានកាត់ផ្តាច់ការផ្គត់ផ្គង់ស្បៀងអាហារ ទឹក និង​ថាមពល​អគ្គិសនីដល់តំបន់ហ្គាហ្សា។

រដ្ឋមន្ត្រីការបរទេសអាមេរិក លោក Antony Blinken បានធ្វើទស្សនកិច្ចនៅក្រុង Tel Aviv កាល​ពី​ថ្ងៃ​ព្រហស្បតិ៍។ លោកបានថ្កោលទោសអ្វីដែលលោកចាត់ទុកថា «ការរាលដាលភេរវកម្ម» របស់​ក្រុមសកម្មប្រយុទ្ធ។ ទោះជាយ៉ាងណា លោកបានជំរុញឱ្យនាយករដ្ឋមន្ត្រីអ៊ីស្រាអែល លោក Benjamin Netanyahu ទប់ខ្លួនឯង ទៅនឹង ស្ថានភាពផ្សេងគ្នា។ លោក Blinken និយាយថា «វា​មាន​សារៈសំខាន់ខ្លាំង ក្នុងការចាត់វិធានការប្រុងប្រយ័ត្នជាមុនទាំងអស់ ដើម្បីកុំ​ឱ្យ​មាន​គ្រោះ​ថ្នាក់​ដល់​ជនស៊ីវិល» ។ លោកក៏បានជំរុញអ្នកការទូត ឱ្យប្រើឥទ្ធិពល​របស់​ពួក​គេ​ជាមួយ​ក្រុម​ហាម៉ាស ដើម្បីដោះលែងចំណាប់ថ្នូរ ភ្លាមៗ និងដោយគ្មានលក្ខខណ្ឌ។

ទោះជា​យ៉ាងណា អ្នកវិភាគនិយាយថា នោះពុំមែនជាអាទិភាពកំពូលរបស់អ៊ីស្រាអែលនោះទេ។ លោក Efraim Inbar ប្រធានវិទ្យាស្ថានទីក្រុងហ្សេរុយសាឡឹមសម្រាប់យុទ្ធសាស្រ្ត និង​សន្តិសុខបាននិយាយថា ចំណាប់ថ្នូដែលក្រុមហាម៉ាសចាប់បានគឺជាបញ្ហាមនុស្សធម៌។ ហើយ​ក្នុង​ករណី​ប្រតិបត្តិការយោធា ពួកគេគ្រាន់តែជាការពិចារណាបន្ទាប់បន្សំប៉ុណ្ណោះ។ លោកបាន​និយាយ​បន្ថែមថា នៅពេលណាក៏ដោយ ដែលអ៊ីស្រាអែលត្រៀមសម្រាប់ការឈ្លានពាន ពួក​គេ​ប្រហែល​ជានឹងចូលទៅ៕