មន្ត្រីម្នាក់បាននិយាយនៅថ្ងៃសុក្រនេះថា នគរបាលអូស្ត្រាលី កំពុង​ពិចារណា​ការ​ស្វែង​រក​ការ​អនុវត្ត​អំណាច និង​បញ្ឈប់ពិសេស ជាលើកដំបូងក្នុងរយៈពេល​ជិត​ពីរ​ទសវត្សរ៍​មក​នេះ​ចំពោះ​អ្នក​ចូល​រួម​នៅ​ក្នុងបាតុកម្មគាំទ្រប៉ាឡេស្ទីននាពេលខាងមុខ ខណៈភាពតាន​តឹង​កើន​ឡើង​នៅ​ក្នុង​ប្រទេស​បន្ទាប់​ពីការវាយប្រហារដ៏បង្ហូរឈាមរបស់ក្រុមហាម៉ាសមកលើអ៊ីស្រាអែល។

ស្នងការស្តីទីនៃរដ្ឋ New South Wales លោក Dave Hudson បាននិយាយ​ទៅ​កាន់​សន្និសីទ​សារព័ត៌​មាន​កាលពីថ្ងៃសុក្រថា នគរបាលរដ្ឋបានស្វែងរកការណែនាំផ្នែកច្បាប់អំពីអំណាចពិសេស ដែល​មិន​ត្រូវបានប្រើប្រាស់ចាប់តាំងពីកុបកម្មពូជសាសន៍ក្នុងឆ្នាំ ២០០៥ ដែល​អនុញ្ញាត​ឱ្យ​នគរបាល​ស្វែង​រក និងទាមទារអត្ត​សញ្ញាណ​ដោយ​គ្មាន​មូល​ហេតុ​នៃ​អ្នក​ដែល​ចូល​រួម​ក្នុង​ការ​តវ៉ា​គាំទ្រ​ប៉ាឡេស្ទីននៅក្នុង ទីក្រុងស៊ីដនីនៅថ្ងៃអាទិត្យ ទី១៥ ខែតុលា។ នគរបាលរំពឹងថាមនុស្សជាងបួនរយនាក់នឹងចូលរួមការតវ៉ានៅ Hyde Park ទីក្រុងស៊ីដនី។

ការ​ធ្វើ​បាតុកម្មដែលបានគ្រោងទុក បានឈានដល់ការជជែកដេញដោលនៅទូទាំងប្រទេស បន្ទាប់​ពី​វីដេអូពីការប្រមូលផ្តុំគ្នាកាលពីថ្ងៃច័ន្ទ ទី ៩ ខែតុលា ដោយ​ក្រុម​តែមួយ​នេះ​បាន​បង្ហាញ​ឱ្យ​ឃើញ​មនុស្ស​ជា​ច្រើន​ស្រែកថា «ចាក់សាំងលើជនជាតិជ្វីហ្វ»។ អ្នករៀបចំ បានអះអាងថា​ក្រុម​ប្រឆាំង​នៅ​ខាង​ក្រៅ នៃការប្រឆាំងលទ្ធិជនជាតិជ្វីហ្វដ៏អាក្រក់ មួយក្រុមបានចូលរួម ហើយត្រូវ​បាន​គេ​ប្រាប់​ឱ្យ​ចាក​ចេញ។

អ្នករៀប​ចំការតវ៉ា Palestine Action Group Sydney បាននិយាយថា ការប្រមូល​ផ្តុំ​គ្នា​នៅ​ថ្ងៃ​អាទិត្យ​ ខាងមុខនេះ នឹងដំណើរការទៅមុខដោយគ្មានការអនុញ្ញាតពីនគរបាល ហើយ​បាន​ការពារ​សិទ្ធិ​ក្នុង​ការ​ធ្វើ​បាតុកម្ម​បន្ទាប់​ពី​ការ​អំពាវនាវ​ពី​អ្នក​នយោបាយ​ទូទាំង​វិសាល​គម​នយោបាយ​ឱ្យ​លុប​ចោល​ព្រឹត្តិការណ៍នេះ៕